Wednesday , 8 February 2023
Home Kitengo Habari Kimataifa Kamati ya siri UN kujadili ombi la Taliban kuhutubia marais
Kimataifa

Kamati ya siri UN kujadili ombi la Taliban kuhutubia marais

Spread the love

 

UMOJA wa Mataifa (UN) umeunda Kamati maalumu ya siri yenye wajumbe tisa kujadili mkanganyiko uliojitokeza kuhusu viongozi wa Serikali Afghanistan wanaopaswa kuhudhuria na kuhutubia Mkutano wa 76 wa Baraza Kuu la Umoja wa Mataifa (UN) unaoendelea huko jijini New York nchini Marekani. Anaripoti Mwanaharusi Abdallah, TUDARCo … (endelea).

Hatua hiyo imekuja baada ya uongozi wa kundi la wanamgambo wa Taliban wanaoongoza taifa la Afghanistan kuomba kuhutubia mkutano huo, wakati huohuo mwakilishi wa Serikalio iliyong’olewa madarakani aliyepo UN akiwasilisha majina ya viongozi wanaopaswa kuhutubia mkutano huo.

Uongozi mpya wa Afganistan ambao ulingia madarakani tarehe 15 Agosti, 2021, hautambuliki kama mwakilishi wa nchi wanachama wa Umoja wa Mataifa.

Taarifa iliyotolewa leo na Msemaji wa UN, Stephane Dujarric imesema tarehe 15 Septemba mwaka huu Katibu Mkuu wa Umoja huo, Antonio Gueterres amepokea barua kutoka kwa Mwakilishi wa Serikali ya awali ya Afghanistan, Balozi Ghulam Isaczai iliyotaja viongozi waliopaswa kuhudhuria mkutano huo.

Hata hivyo, siku tano baadae Katibu Mkuu huyo alipokea barua nyingine kutoka kwa Ameer Khan ambaye ni Waziri wa Mambo ya Nje ya nchi iliyojiita Islamic Emirate of Afghanistan yaani Afghanistan akiomba kushiriki katika mkutano huo.

Katika barua hiyo, Waziri huyo alidai serikali ya awali iliyokuwa chini ya Rais Ashraf Ghani imeondolewa madarakani hivyo moja kwa moja mwakilishi wa Afghanistan huko UN yaani Balozi Isaczai hatambuliki kama mwakilishi wa nchi yao.

Aidha, waziri huyo alisema Taliban tayari wamemteua mwakilishi mpya ambaye ni Mohammad Shaheen.

Msemaji huyo amesema kamati maalumu ya siri yenye wajumbe tisa itakaa kujadili mkanganyiko huo ili kupata jawabu la mwakilishi sahihi wa Afghanistani.

Hata hivyo, ratiba ya kikao cha kamati hiyo haijapangwa licha ya kwamba Afghanistani imepanga kuhutubia mkutano hup tarehe 27 Septemba.

Leave a comment

Leave a Reply

Your email address will not be published. Required fields are marked *

Related Articles

Kimataifa

Raia Pakistan walilia haki siku ya Mshikamano Kashimir

Spread the loveRAIA wa Pakistani waishio nchini Tanzania wameadhimisha siku ya Mshikamano...

Kimataifa

Ramaphosa akiri tatizo la umeme Afrika Kusini kuathiri sekta ya madini

Spread the love  RAIS wa Afrika Kusini, Cyril Ramaphosa amesema tatizo la...

Kimataifa

Idadi ya vifo tetemeko la ardhi yafikia 9000

Spread the love  IDADI ya vifo vilivyotokana na tetemeko la ardhi lililotokea...

Kimataifa

Tetemeko la ardhi Uturuki: Vifo vyaongezeka hadi 4,800

Spread the love  Idadi ya vifo vilivyotokana na tetemeko lililotokea jana Jumatatu...

error: Content is protected !!