Sunday , 19 May 2024
Home Gazeti Habari za Siasa Spika Afrika Kusini ajiuzulu kwa tuhuma za rushwa
Habari za SiasaKimataifa

Spika Afrika Kusini ajiuzulu kwa tuhuma za rushwa

Spread the love

Spika wa Bunge la Afrika Kusini, Nosiviwe Mapisa-Nqakula ametangaza kujiuzulu wadhifa wake huku kukiwa na uchunguzi wa tuhuma za rushwa wakati akiwa waziri wa ulinzi. Inaripoti Mitandao ya Kimataifa … (endelea).

Hayo yanajiri baada ya wiki iliyopita nyumba ya Spika huyo kuvamiwa na maofisa upelelezi, ikiwa ni sehemu ya uchunguzi wa tuhuma hizo za rushwa.

Akitangaza kujiuzulu jana Jumatano, Mapisa-Nqakula alisema; “Kujiuzulu kwangu sio dalili au kukubali hatia kuhusiana na tuhuma zinazotolewa dhidi yangu.”

Kujiuzulu huko, ambako kunaanza kutekelezwa mara moja, pia kunaambatana naye kuacha kazi kama mbunge.

Mapisa-Nqakula alikuwa waziri wa ulinzi nchini humo kuanzia mwaka 2012 hadi 2021.

Shirika la utangazaji la serikali ya Afrika Kusini (SABC) liliripoti kwamba anatuhumiwa kupokea mamilioni ya pesa taslimu kama hongo kutoka kwa wakandarasi wa zamani wa kijeshi.

Mapisa-Nqakula alichukua likizo maalum baada ya uvamizi huo na juzi Jumanne, ombi lake kwa mahakama kuzuia mamlaka kumkamata, lilitupiliwa mbali.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!