Saturday , 22 June 2024
Home Kitengo Maisha Elimu Matokeo ya darasa la Saba haya hapa
ElimuTangulizi

Matokeo ya darasa la Saba haya hapa

Wanafunzi wakishangilia baada ya kumaliza mtihani wa darasa la saba
Spread the love

BARAZA la Mitihani nchini (NECTA), limetangaza matokeo ya darasa la saba ambapo Mikoa ya Kanda ya Ziwa imeongoza kwa kushika nafasi 10 za mwanzo. Anaripoti Danson Kaijage, Dodoma … (endelea).

Angalia hapa matokeo yote ya darasa la saba 2019

Akitangaza matokeo hayo leo tarehe 15 Oktoba 2019, Dk. Charles Msonde, katibu mtendaji wa baraza hilo amesema, ufaulu umeongezeka kwa asililia 3.78.

Msonde amesema, asilimia 81 ya watahiniwa wamefauli mtihani huo huku wanafunzi 909, wakifutiwa matokeo yao kutokana na udanganyifu.

Amesema, pamoja na matokeo hayo, tatizo kubwa lipo katika somo la Kiingereza ambalo ufaulu wake umepungua huku akiagiza juhudi zaidi kufanyika.

Kwenye matokeo hayo, mikoa ya Kanda ya Ziwa imeonekana kufanya vizuri zaidi kulinganisha matokeo ya mwaka jana na miaka iliyopita.

Msonde ametaja shule 10 bora kuwa ni Graiyaki (Mara), Twibhoki (Mara), Kemebos (Kagera), Little Treasures (Shinyanga), Musabe (Mwanza), Tulele (Mwanza), Kwema Morden (Shinyanga), Peaceland (Mwanza), Mugini (Mwanza) na Rocken Hill (Shinyanga).

Katika ufaulishaji watoto wengi Msonde amesema, Mkoa wa Dar es Salaam umeshika nafasi ya kwanza ukifuatiwa na Arusha, Iringa, Kagera, Katavi, Kilimanjaro, Mbeya, Simiyu, Njombe na Pwani.

Kwenye matokeo hayo, Msonde ametaja wanafunzi walioshika nafasi ya 10 za mwanzo kuwa ni Grace Imori Manga (Graiyaki), Mara; Francis Gwani (Paradise) Geita na wa tatu ni Loi Kitundu (Mbezi), Dar es Salaam.

Wengine ni Victor Godfrey, Azizi Yassin na Goldie Hhayuma wote wa Graiyaki, Mara; Daniel Daniel (Little), Shinyanga; Hilary Nassor (Peaceland), Mwanza; Mbelele Mbelele (Kwema Modern), Shinyanga na Nyanswi Richard wa Graiyaki (Mara).

6 Comments

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Askofu Wolfang Rais mpya TEC, Padri Kitima aula tena

Spread the loveBARAZA la Maaskofu Katoliki Tanzania (TEC) limetambulisha safu mpya za...

Habari MchanganyikoTangulizi

Padre anayetuhumiwa mauaji ya Asimwe, asimamishwa

Spread the loveKanisa Katoliki Jimbo la Bukoba limemsimamisha kutoa huduma za kichungaji...

Habari za SiasaTangulizi

Bashe apasua mtumbwi CCM

Spread the love  HUSSEIN Mohammed Bashe, waziri wa Kilimo, amekiweka pabaya Chama Cha...

Habari MchanganyikoHabari za SiasaTangulizi

Baba mzazi, mganga, paroko wadakwa mauaji ya mtoto mwenye ualbino

Spread the loveHATIMAYE Jeshi la Polisi limewakamata watuhumiwa tisa wakiwa na viungo...

error: Content is protected !!