Infinix Note 30 yajizolea sifa kimataifa mwaka 2023

CHAPA ya simu mahiri inayoongoza kwa ubora  Infinix Mobile LTD imegonga vichwa vya habari wiki hii baada ya Infinix NOTE 30 kushinda tuzo ya Usanifu wa bidhaa/Vyombo vya habari na Tuzo ya Electroniki za nyumbani zinazoandaliwa kwa kila Mwaka nchini Paris. NOTE 30 imeundwa kukidhi mahitaji ya mitandao ya simu za mkononi. Anaripoti Mwandishi Wetu, Dar es Salaam … (endelea).

Tuzo za Paris Design hutoa heshima katika taaluma ya Usanifu, Usanifu wa Ndani, Usanifu wa Mandhari, Usanifu wa Picha na Usanifu wa Bidhaa ikitunuku mbunifu bora zaidi duniani kote.

Hii ni heshima kubwa kampuni hii ambayo inakuwa kwa kasi kubwa inayotokana na uzalishaji wa bidhaa zenye teknolojia ya hali ya juu kwa gharama nafuu. Tanzania ni moja ya nchi ambayo inanufaika vyema na bidhaa za kampuni hiyo, imekuwa na mchango mkubwa katika kufanya teknolojia ya mawasiliano kupitia njia ya simu kuenea kwa wepesi.

Kufuatia ushindi wa Tuzo hii ya bidhaa yenye muundo mzuri kwa mwaka 2023 Infinix Tanzania kufuatia kurasa zake za mitandao ya kijamii imetupia video na jumbe ya kujipongeza na kuwataka wadau wa Infinix kujivunia Chapa hiyo.

Hii si mara ya kwanza kwa kampuni hii kushinda Tuzo hizo za kimataifa Mwaka 2021 pia ilitwaa Tuzo ya bidhaa yenye nidhamu katika kitengo cha mawasiliano huko barani Asia. Pongezi nyingi kwao na kwa mashabiki wa chapa hii.