Simba kukupiga TP Mazembe, Ulimwengu…

MABIGWA wa Ligi Kuu Tanzania Bara 2020/21, Simba ya Dar es Salaam imewaalika timu ya TP Mazembe ya Congo kuja kunogesha kilele cha Simba Day. Anaripoti Mwandishi Wetu, Dar es Salaam … (endelea).

Simba Day itakayoanza 13 Septemba itahitishwq 19 Septemba 2021, katika Uwanja wa Benjamin Mkapa, Dar es Salaam kwa mchezo wa kirafiki kati ya Simba na TP Mazembe.

Siku hiyo itatumiwa na Simba kutambulisha wachezaji wake ambao itawatumiw katika msimu ujao wa mashindano ya ndani na ile ya nje.

Simba ambayo ni mabingwa wa Ligi Kuu Tanzania Bara mara nne mfululizo, itaiwakilisha nchi katika michuano ya Klabu Bingwa Afrika.

TP Mazembe ambao ni mabingwa mara kadhaa wa Klabu Bingwa na Kombe la Shirikisho, haitakuwa mara ya kwanza kuja Tanzania kwani kupitia michuano hiyo, imekuwa ikija kucheza na timu za Tanzania.

Mara ya mwisho kuja ilikuwa mwaka 2020, ilipokuja kushiriki michuano ya Simba Super CUP.

Kualikwa kwa TP Mazembe kuja Tanzania, kutawarejesha nyumbani wachezaji wa timu hiyo wazaliwa wa Tanzania, Eliud Ambokile pamoja na Thomas Ulimwengu.