Walimu 52,551 kupandishwa madaraja mwaka huu

Naibu Waziri wa nchi, Ofisi ya Rais (Utumishi na Utawala Bora), Ridhiwani Kikwete amesema katika mwaka huu wa fedha unaoishia 2023/2024, Serikali imepanga kupandisha madaraja kwa mserereko walimu 52,551. Anaripoti Mwandishi Wetu … (endelea).

Amesema hatua hiyo imefikiwa baada ya walimu hao kutimiza vigezo kwa mujibu wa uchambuzi na uhakiki ambao umekamilika.

Kikwete ametoa kauli hiyo leo Jumatano bungeni jijini Dodoma wakati akijibu swali la Mbunge wa Ngara, Ndaisaba Ruhuro (CCM) aliyehoji mpango wa wa kupandisha madaraja msrereko walimu wenye changamoto ya kupandishwa madaraja wakiwemo wa Ngara.

Akijibu swali hilo, Kikwete amesema kwa upande wa Halmashauri ya Ngara, walimu 148 ambao wametimiza vigeo watapandishwa.