Sunday , 5 February 2023
Home Kitengo Habari Kimataifa Usain Bolt alaghaiwa zaidi ya TSh 27 Bil.
Kimataifa

Usain Bolt alaghaiwa zaidi ya TSh 27 Bil.

Spread the love

BINGWA wa Olimpiki Usain Bolt analenga kurejesha zaidi ya $12.7m sawa na zaidi ya Tsh 27 Bilioni ambazo wakili wake anasema amepoteza baada ya kulaghaiwa. Yameripoti Mashirka ya Kimataifa … (endelea)

Tume ya Huduma za Kifedha ya Jamaica imeanza uchunguzi dhidi ya kampuni ya uwekezaji, Stocks and Securities Limited (SSL).

Mwanariadha huyo aliyestaafu mwenye umri wa miaka 36 alikuwa na uwekezaji na kampuni ya SSL kwa zaidi ya muongo mmoja.

“Tutaenda mahakamani na suala hilo ikiwa pesa hazitarejeshwa,” wakili Linton Gordon alisema.

“Ni jambo la kutamausha sana, na tunatumai kuwa suala hilo litatatuliwa kwa njia ambayo Bw Bolt atarejesha pesa zake na kuweza kuishi kwa amani.”

Meneja wa Bolt Nugent Walker aliiambia Jamaica Gleaner kwamba bingwa huyo mara nane wa Olimpiki aligundua kwamba kuna “kasoro”.

FSC ilisema “inafahamu ripoti za madai ya ulaghai” na kwamba mchakato wa uangalizi utairuhusu kuona uhamishaji wa fedha na dhamana ndani na nje ya kampuni ya SSL.

“Tume ya Huduma za Kifedha ya Jamaika wakati huo huo itaendelea na uchunguzi wake katika masuala yanayohusiana na SSL,” iliongeza.

Kampuni ya SSL ilisema uchunguzi wake wa ndani unaonyesha kuwa mfanyakazi wa zamani ndiye aliyehusika na madai ya udanganyifu na kuongeza kuwa “imelielekeza suala hilo kwa mamlaka husika za kutekeleza sheria”.

Bolt alistaafu riadha mwaka wa 2017 baada ya kushinda medali 11 za dhahabu za Ubingwa wa Dunia na medali nane za dhahabu za Olimpiki.

Wakati wa Michezo ya Olimpiki ya Beijing ya 2008, Bolt aliweka rekodi mpya za ulimwengu za mita 100 na 200.

Muda wake wa mita 100 wa sekunde 9.572 unasalia kuwa rekodi ya dunia.

Leave a comment

Leave a Reply

Your email address will not be published. Required fields are marked *

Related Articles

Kimataifa

Papa Francis kukutana na wahanga wa vita Sudan Kusini

Spread the love  KIONGOZI wa Kanisa Katoliki Duniani Papa Francis leo Jumamosi...

Kimataifa

Polisi ahukumiwa kifo kwa kumuua wakili

Spread the love  MAHAKAMA kuu nchini Kenya imemhukumu kifo Ofisa wa Polisi,...

Kimataifa

Hospitali za China zilifurika wagonjwa, wazee kipindi cha wa likizo ya Mwaka Mpya wa Lunar

Spread the loveHOSPITALI  nchini China zimejaa wagonjwa na wazee katika kipindi cha...

Kimataifa

Papa Francis ayataka mataifa ya nje kuacha kupora mali DRC

Spread the love  KIONGOZI wa kanisa Katoliki Papa Francis, ameyataka mataifa ya...

error: Content is protected !!