Makala: Puuzeni wanasiasa wanaojigamba wanaweza kubadili maamuzi ya mahakama

KATIBU wa Itikadi na Uenezi wa Chama Cha Mapinduzi (CCM), Amos Makala, amewataka wananchi wenye madai ya haki ambayo hayajafikishwa mahakamani kuwasilisha migogoro yao kwa viongozi wa chama hicho ili wapate msaada. Anaripoti Mwandishi Wetu, Dar es Salaam…(endelea).

Akizungumza katika mkutano wa viongozi wa CCM mkoani Katavi, leo Jumamosi, Makala amewataka wananchi kupuuza wanasiasa wanaowaeleza kwamba wana uwezo wa kubadili maamuzi ya mahakama.

“Changamoto za Katavi nazijua, unaambiwa hili liko mahakamani, asije mwanasiasa akakudanyanga kwamba anaouwezo wa kubadili maamuzi ya mahakama akakupa haki, wote tunaamini kwamba chombo ambacho kikatiba cha kutoa haki ni mahakama,” amesema Makala na kuongeza:

“Sisi tuko tayari kusikiliza kero zozote ambazo bado hazijaingia kwenye mhimili wa mahakama, tutawasaidia wananchi wanyonge katika mambo ambayo bado hayajaingia katika mahakama ili apate haki hiyo na wale ambao wako mahakamani ushauri mkubwa kama ulikosa haki mahakama ya chini ukate rufaa mahakama ya juu.”