Benki ya Akiba wazindua waridi akaunti kwa wanawake wajasiriamali

Mwandishi WetuMarch 9, 20232 Mins read583 Views

Spread the love

BENKI ya Akiba Commercial Bank (ACB) imezindua akaunti mpya iliyopewa jina la WARIDI ambayo ni maalumu kwa wafanyabiashara wanawake nchini. Anaripoti Mwandishi Wetu…(endelea).

Meneja Mwandamizi wa huduma za kidijitali kwa Benki ya Akiba, Magreth Mwasumbi akizungumza na waandishi wa habari katika uzinduzi wa Akaunti maalumu wa kwa ajili ya Wanawake inayoitwa “WARIDI AKAUNTI “. Kulia wake Mkuu wa Kitengo cha Masoko na Mawasiliano wa Benki ya Akiba, Dora Saria. Uzinduzi huu umembatana na maadhimisho ya siku ya wanawake Duniani katika hafla ndogo zilizofanyika katika ofisi za makao makuu ya benki Jijini Dar es salaam.

Akizungumza na waandishi wa habari jijini Dar es Salaam, Meneja Mwandamizi wa huduma za kidijitali kwa Benki ya Akiba, Magreth Mwasumbi amesema akaunti hiyo imezinduliwa tarehe 8 Machi 2023, kama sehemu ya maadhimisho ya Siku ya Wanawake Duniani.

Amesema benki hiyo inatambua umuhimu wa wanawake katika jamii na jukumu lao katika maendeleo ya uchumi, hivyo uanzishwaji wa akaunti ya WARIDI ni jibu lilitokana na maoni ya wateja na utafiti walioufanya kwa wateja wao.

Mkuu wa Kitengo cha Masoko na Mawasiliano wa Benki ya Akiba, Dora Saria akifafanua jambo kwa waandishi wa habari wakati wa uzinduzi wa uzinduzi wa Akaunti maalumu wa kwa ajili ya Wanawake inayoitwa “WARIDI AKAUNTI “.

Amesema akaunti hiyo inatoa urahisi na ufanisi, bila ada ya kila mwezi ya matunzo, uchunguzi wa usawa wa bure, na ujumbe mfupi wa bure wa SMS.

“Akaunti inaweza kufunguliwa kwa shilingi za Tanzania au dola za Marekani, jambo ambalo linawapa wigo mpana wa wateja wetu,” amesema.

Ameongeza kuwa akaunti ya WARIDI imeundwa ili kusaidia wafanyabiashara wanawake kuokoa pesa zao na kupata huduma za benki za kidijitali kama vile Akiba Mobile na Wakala ambazo zinawawezesha kufanya shughuli za benki wakati wowote na popote.

“Akaunti pia inawapa wafanyabiashara wanawake upatikanaji wa bidhaa mbalimbali za mikopo zinazotolewa na benki,” amesema.

Aidha, Mkuu wa Kitengo cha Masoko na Mawasiliano wa Benki ya Akiba Dora Saria amesema mbali na akaunti ya WARIDI, Akiba Commercial Bank inatoa bidhaa nyingine za mikopo kwa biashara ndogo na za kati na wafanyakazi.

Saria amesema benki pia ina akaunti za amana mbalimbali kwa watu binafsi, vikundi kama vile VICOBA na makampuni. Akaunti hizo zimeundwa ili kukidhi mahitaji ya wateja tofauti.

“Akiba Commercial Bank daima imekuwa mstari wa mbele katika kukidhi mahitaji ya wateja wake, pia imejitolea kuwawezesha wafanyabiashara wanawake nchini Tanzania kwa kuwapa zana na rasilimali muhimu za kifedha ili kufanikiwa,” amesema.