Tulia: Tauche kuendekeza majungu tuchape kazi

Mwandishi WetuDecember 24, 20221 Mins read502 Views

Dk. Tulia Ackson

Spread the love

SPIKA wa Bunge la Jamhuri ya Muungano wa Tanzania ambaye pia ni Mbunge wa Mbeya Mjini, Dk. Tulia Ackson amewataka Wananchi kuacha tabia za kuendekeza majungu na badala yake wajikite katika kujenga Taifa. Anaripoti Mwandishi Wetu, Mbeya … (endelea).

Dk. Tulia ameyasema hayo leo Jumamosi Disemba 24, 2022 wakati akiwasilisha taarifa ya utekelezaji wa Ilani ya uchaguzi ya Chama Mapinduzi (CCM) Wilaya ya Mbeya Mjini kwa kipindi cha mwaka 2021/2022 kwa Wajumbe wa Mkutano mkuu maalum wa Chama hicho uliofanyika katika ukumbi wa Tughimbe.

Amesema kumekuwa na tabia ya baadhi ya watu wasiopenda maendeleo wanapoona Viongozi wakiwemo wakitaifa wakifanya kazi nzuri kwa jamii wao wanapambana kutengeneza majungu na kukosoa utendaji ili kuleta mkanganyiko usio na faida kwa jamii.

Amewataka Wananchi wakiwemo wa Jimbo hilo kuendelea kumuunga mkono katika majukumu yake ili aweze kuwatimizia mahitaji yao ikiwemo uboreshaji wa miundombinu, elimu, afya n.k kwa kushirikiana na Serikali ya awamu ya sita inayoongozwa na Rais Mhe. Samia Suluhu Hassan.

Hafla hiyo imehudhuriwa pia na Viongozi mbalimbali wa Chama na Serikali akiwemo Naibu Waziri wa Maji, Maryprisca Mahundi, Mwenyekiti wa CCM Wilaya, Humphrey Nsomba ambao wamempongeza Dkt. Tulia kwa namna ambavyo ameweza kufanya mabadiliko ya maendeleo ya haraka katika Jimbo hilo kwa kipindi chake kifupi cha Uongozi.

Previous post MECIRA yapongeza hatua za Rais Samia kulinda vyanzo vya maji

Next post Sera ya habari ya 2003 kufumuliwa

1 Comment

Anonymous says:

December 25, 2022 at 3:31 pm

Asante ndugu tulia.sisi wanambeya tunakupongeza kwa kazi kubwa unayofanya ktk jimbo na kitaifa wale wapiga majungu wanahasara kubwa ya kimaisha na wala wasikupe shaka sisi tuko nyuma yako