Tajiri wa Urusi afariki baada ya kuanguka dirishani nchini India

TAJIRI wa soseji za Kirusi Pavel Antov amepatikana amekufa katika hoteli moja ya India, siku mbili baada ya rafiki yake kufa wakati wa safari hiyo hiyo. Walikuwa wakitembelea jimbo la mashariki la Odisha na milionea huyo, ambaye pia alikuwa mwanasiasa wa eneo hilo, alikuwa ametoka kusherehekea siku yake ya kuzaliwa katika hoteli hiyo. Anaripoti Mwandishi Wetu … (endelea).

Antov alikuwa mtu maarufu katika jiji la Vladimir, mashariki mwa Moscow. Majira ya joto yaliyopita alikanusha kukosoa vita vya Urusi nchini Ukraine baada ya ujumbe kuonekana kwenye akaunti yake ya WhatsApp. Kifo cha milionea huyo ni cha hivi punde zaidi katika mfululizo wa vifo ambavyo havijaelezewa vilivyohusisha matajiri wa Urusi tangu kuanza kwa uvamizi wa Urusi, ambao wengi wao wameshutumu vita hivyo waziwazi.

Ripoti katika vyombo vya habari vya Urusi zilisema Antov, 65, alianguka kutoka dirishani kwenye hoteli hiyo katika jiji la Rayagada siku ya Jumapili. Mwanachama mwingine wa kundi lake la watu wanne wa Urusi, Vladimir Budanov, alikufa katika hoteli siku ya Ijumaa.

Polisi Odisha ilisema Budanov alipatikana na kiharusi huku rafiki yake “akiwa amepata mshtuko wa moyo baada ya kifo chake na yeye pia akafa”.

Balozi wa Urusi huko Kolkata, Alexei Idamkin, aliliambia shirika la habari la Tass kwamba polisi hawakuona “kipengele cha uhalifu katika matukio haya ya kutisha”.

Mwongoza watalii Jitendra Singh aliambia wanahabari kwamba Budanov huenda “alikunywa pombe nyingi kwa vile alikuwa na chupa za pombe”.

Pavel Antov alianzisha kiwanda cha kusindika nyama cha Vladimir Standard na mnamo 2019 Forbes ilikadiria utajiri wake kuwa $140m (£118m) juu ya orodha tajiri ya wabunge na wafanyikazi wa umma nchini Urusi.