KITUO cha Demokrasia Tanzania (TCD), kimesema kitajadili sababu za Chama cha Demokrasia na Maendeleo (Chadema), kugoma kushiriki kongamano lake la amani, linalotarajiwa kufanyika mwishoni mwa Machi, 2022, jijini Dodoma ambapo mgeni rasmi anatarajiwa kuwa Rais Samia Suluhu Hassan. Anaripoti Mwandishi Wetu, Dar es Salaam … (endelea).
Taarifa kutoka ndani ya kituo hicho, zinaeleza kwamba Kamati ya Ufundi ya TCD, hivi karibuni itaketi kujadili sababu hizo, ili kupata muafaka wake.
“Kila kituo kinapoitisha mkutano kamati ya ufundi inakutana na moja ya ajenda itakuwa kujadili hilo kongamano, katika kujadili itatazamwa mafanikio na changamoto. Kwenye changamoto utaona mwanachama mmoja hawezi kushiriki, kwa hiyo maazio yatatolewa,” amesema Afisa kutoka TCD ambaye hakutaka kutaja.
Aidha, afisa huyo wa TCD amesema kama majadiliano hayo hayatazaa matunda, vyama wanachama wa kituo hiko walio tayari kushiriki watashiriki kongamano hilo, ikiwemo na vyama vingine vya siuasa visivyokuwa wanachama wake ambao wamealikwa.
“TCD inaundwa katika utaratibu wa maridhiano, vikao vinavyohusika vitaendelea kujadili jambo hili kutafuta muafaka, ikifika mwisho hatujapata majawabu na wadau wengi wameonesha nia ya kushiriki, tutaenda kwenye kongamano,” ameesema afisa huyo.
Chama cha Chadema, mwishoni mwa wiki iliyopita kupitia Mwenyekiti wake, Freeman Mbowe, kilisema hakitashiriki kongamano hilo, huku miongoni mwa sababu zao zikidai hawaoni nia njema kuhusu mjadala wa upatikanaji katiba mpya.
Pia, Mbowe alidai chama chake kimepitia ratiba ya kongamano hilo, na kuona baadhi ya watoa mada wake, ni wale walioshiriki mchakato wa Uchaguzi Mkuu wa 2020, ambao waligoma kutambua matokeo yake wakidai hayakuwa halali.
1 Comment
Leave a Reply
Related Articles
Rais Samia: Matumizi ya nishati safi sio anasa, ladha ipo
Spread the loveRAIS Samia Suluhu Hassan amesema matumizi ya nishati safi kwa...
Samia: Kuanzia Agosti marufuku kutumia mkaa, kuni
Spread the loveRAIS Samia Suluhu Hassan amemuagiza Waziri wa Nchi, Ofisi ya...
Mwendokasi Kigogo – Segerea kujengwa awamu ya 5
Spread the loveNaibu Waziri wa Nchi Ofisi ya Rais (TAMISEMI), Festo Dugange...
Rais Samia ni Mzanzibari: Shida Iko Wapi?
Spread the loveTAIFA linakabiliwa na upungufu wa fikra sahihi. Upungufu huu unaonekana...
Zitto,
Watu wanasema wewe ndiye tatizo. Unatanguliza hoja zako na wengine uwatakao na kuinyima CHADEMA.
CCM tunaungana wakati wa siasa na kutofautiana wakati usio wa siasa.
Nyiye wapinzani mnatofautiana wakati wa siasa halafu mnaungana wakati usio wa siasa.
Bila UKAWA nyie mlie tu.