Tuesday , 5 December 2023
Home Gazeti Habari za Siasa Zitto aweka hadharani sababu 10 za kuing’oa CCM 2020
Habari za SiasaTangulizi

Zitto aweka hadharani sababu 10 za kuing’oa CCM 2020

Zitto Kabwe, Kiongozi Mkuu wa ACT-Wazalendo
Spread the love

ZITTO Kabwe, Kiongozi Mkuu wa Chama cha ACT-Wazalendo, ameeleza sababu 10 za kuking’oa Chama cha Mapinduzi (CCM), katika Uchaguzi Mkuu wa mwaka 2020. Anaripoti Regina Mkonde, Dar es Salaam … (endelea). 

Zitto ametaja sababu hizo wakati akifungua mkutano mkuu wa chama hicho,  leo tarehe 14 Machi 2020, jijini Dar es Salaam, Zitto

Miongoni mwa sababu alizotaja Zitto ni, CCM kupasuka kutokana na kundi kubwa la chama hicho, kuchoshwa na vitendo vya ubabe, huku nyingine ikiwa ni mdororo wa uchumi wa taifa na wa wananchi.

“CCM imo vipande vipande, kundi kubwa limechoshwa na ubabe. Katika kipindi cha udikteta, CCM imeshaharibu uchumi wa nchi, imefukarisha wananchi. CCM haipaswi kukaa madarakani hata kwa mwezi mmoja,” amedai Zitto.

Sababu nyingine alizotaja Zitto ni, CCM kushindwa kutekeleza ahadi zake kwa wananchi, pamoja na kukosa mbinu za kuwakwamua wananchi katika ufukara.

“CCM chama laghai, hakitimizi ahadi zake, Watanzania hawawezi kukubali kufanywa watoto wadogo. Pia, imeshiwa mbinu na maarifa katika kukwamua Watanzania kwenye umasikini,” amesema Zitto.

Pia, Zitto amesema kudorola kwa sekta ya elimu kutokana na utekelezaji wa sera mbovu, kutasaidia ACT-Wazalendo kuiangusha CCM katika uchaguzi ujao.

“Utekelezaji sera elimu bure umeanza kubainika umetoa elimu bure.  Elimu inazidi kuporomoka, wanafunzi walioahidiwa mikopo wanafukuzwa kwa kudai mikopo,” amesema Zitto.

Sababu nyingine alizotaja Zitto ni “CCM haina mkakati wa kutatua changamoto ya ajira,  kupitia sera mbovu za CCM maisha ya Watanzania yamekuwa magumu, hifadhi ya chakula inatosha kwa siku mbili.”

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Dk. Biteko: Viongozi tuache alama nzuri katika utendaji wetu

Spread the loveNaibu Waziri Mkuu na Waziri wa Nishati, Dk. Doto Biteko...

Habari za SiasaTangulizi

Chanzo maporomoko yaliyoua 65 Hanang, chatajwa

Spread the loveSERIKALI imesema kumeguka kwa sehemu ya Mlima Hanang ambao ilikuwa...

Habari za Siasa

Baba yake Ole Sabaya ashinda Uenyekiti CCM – Arusha

Spread the loveLoy Thomas Sabaya ambaye ni Baba wa aliyekuwa Mkuu wa...

Habari za Siasa

Serikali yaagiza uchunguzi chanzo maporomoko Hanang

Spread the loveSERIKALI imeagiza uchunguzi ufanyike ili kubaini chanzo cha maporomoko ya...

error: Content is protected !!