Tume huru ya uchaguzi yatangaza ajira watendaji daftari wapiga kura

TUME Huru ya Taifa ya Uchaguzi (INEC), imetangaza nafasi za kazi za muda kwa watendaji wa vituo vya uboreshai daftari la kudumu la wapiga kura. Anaripoti Mwandishi Wetu, Dar es Salaam … (endelea).

Tangazo la nafasi hizo limetolewa hivi karibuni na tume hiyo.

“Kwa madhumuni ya uboreshai daftari la kudumu la wapiga kura na kwa kuzingatia masharti ya kifungu cha 7(4) cha Sheria ya Uchaguzi wa Rais, Wabunge na Madiwani Na. 1 ya 2024, mkurugenzi wa uchaguzi anakaribisha maombi kutoka kwa watanzania wenye sifa na uwezo wa kujaza nafasi za waandishi na waendeshaji vifaa vya bayometriki,” imesema taarifa hiyo.

Taarifa hiyo imetaja sifa za wanaohitajika, ikiwemo awe mwenye umri wa miaka kuanzia 18 au zaidi, mwenye elimu ya kidato cha nne na ujuzi wa kompyuta na simu janja (Smartphone).