Friday , 1 March 2024
Home Gazeti Habari za Siasa Rais Magufuli: Hakuna kuzaa kwa mpango
Habari za Siasa

Rais Magufuli: Hakuna kuzaa kwa mpango

Rais John Magufuli, Mgombea wa Urais wa Chama cha Mapinduzi (CCM)
Spread the love

DAKTARI John Magufuli, Mgombea Urais wa Tanzania kupitia Chama Cha Mapinduzi (CCM), amesema hakuna haja ya watu kuzaa kwa mpango kwa kuwa Serikali yake inatoa elimu bure. Anaripoti Mwandishi Wetu, Singida … (endelea).

Mgombea huyo wa CCM katika nafasi ya Urais wa Tanzania kwenye Uchaguzi Mkuu utakaofanyika Jumatano wa tarehe 28 Oktoba 2020 ametoa kauli hiyo leo tarehe 1 Septemba 2020,  katika mkutano wake wa kampeni ulioanyika Ikungi mkoani Singida.

“Tunataka watoto wasome bure, ndio maana siku zote nilikuwa nasema zaeni  hakuna kuzaa kwa mpango, matiti ya kunyonyesha watoto tunayo, maziwa tunayo na wanaume wapo wakina mama wapo na shule wanasoma bure serikali ipo,” amesema Rais Magufuli.

Wakati huo huo, Rais Magufuli amewataka wakazi wa Ikungi na Watanzania kwa ujumla bila kujali tofauti za vyama vya siasa, kumpigia kura ili Serikali yake iendelee kutoa elimu bure.

“Asije akaja mwingine akageuza badala ya katoa elimu bure, watoto wakaanza kudaiwa, tutakuwa tunarudi nyuma.”

“Kwa nini turudi nyuma tulikotoka? Na ndio maana tunasema katika miaka mitano ijayo, tutatoa elimu bure ndio maana tunaomba ndugu zangu mturudishe,” amesema Rais Magufuli.

Rais Magufuli anaendelea na kampeni zake alizozizindua Jumamosi tarehe 29 Agosti 2020 jijini Dodoma, ambapo leo asubuhi alianzia Bahi mkoani Dodoma na kisha kuendelea Ikungi mkoani Singida.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Mwili wa Hayati Mwinyi kuagwa leo saa 8 Uwanja wa Uhuru

Spread the loveMWILI wa Rais Mstaafu, Ali Hassan Mwinyi unatarajiwa kuagwa kuanza...

Habari za SiasaTangulizi

Rais Mwinyi kuzikwa Machi 2 visiwani Unguja

Spread the loveMWILI wa aliyekuwa Rais wa Awamu ya Pili wa Tanzania,...

Habari za SiasaTangulizi

Rais mstaafu Mwinyi afariki dunia

Spread the loveRais Mstaafu wa awamu ya pili wa Tanzania, Ally Hassan...

Habari za Siasa

Waziri mkuu Ethiopia atua Tanzania

Spread the loveWaziri Mkuu wa Jamhuri ya Kidemokrasia ya Shirikisho la Ethiopia,...

error: Content is protected !!