Monday , 27 May 2024
Home Gazeti Habari za Siasa Kada wa tano achukua fomu ya urais Chadema
Habari za Siasa

Kada wa tano achukua fomu ya urais Chadema

Wakili Simba Richmomd Akaro Neo, akikabidhiwa fomu ya kugombea Urais wa Tanzania, kupitia Chama Cha Demokrasia na Maendeleo (Chadema).
Spread the love

WAKILI Simba Richmomd Akaro Neo, amechukua fomu ya kugombea Urais wa Tanzania, kupitia Chama Cha Demokrasia na Maendeleo (Chadema). Anaripoti Regina Mkonde, Dar es Salaam … (endelea).

Wakili Simba amekabidhiwa fomu hiyo leo Ijumaa tarehe 10 Julai 2020 katika Makao Makuu ya Chadema, Kinondoni jijini Dar es Salaam na Reginald Munisi, Mkurugenzi wa Uchaguzi Chadema.

Mtia nia huyo anakuwa wa tano ndani ya Chadema kugombea Urais wa Tanzania, tangu zoezi hilo lianze tarehe 4 Julai 2020. Zoezi hilo litafungwa tarehe 19 Julai mwaka huu.

Waliomtangulia ni Dk. Mayrose Majinge, Tundu Lissu, Makamu Mwenyekiti Chadema, Lazaro Nyalandu, Mwenyekiti wa Chadema Kanda ya Kati, Wakili Gaspar Mwalyela, Isaya Mwitta, aliyekuwa Meya wa Halmashauri ya Jiji la Dar es Salaam.

Baada ya kukabidhiwa fomu hiyo, Wakili Simba ametaja mambo atakayoyafanya endapo atapitishwa na Chadema kugombea nafasi hiyo, kisha kuchaguliwa kuwa Rais wa Tanzania.

Wakili Simba ameahidi kuboresha vyombo vinavyosimamia haki, ikiwa pamoja na kuifanya Taasisi ya Kuzuia na Kupambana na Rushwa (Takukuru), inakuwa huru katika kupambana na wala rushwa.

“Ahadi yangu ni kukuza demokrasia, kuipatia Takukuru uhuru katika kufanya kazi zake na kurudisha hadhi ya Tanzania Kimataifa,” amesema Wakili Simba.

Wakati huo huo, Wakili Simba amesema akifanikiwa kupitishwa na Chadema kugombea Urais wa Tanzania, kisha kuchaguliwa na Watanzania, atahakikisha maendeleo na demokrasia vinaenda pamoja.

“Tusiwe tunaongelea maendeleo bila demokrasia, ukiwa na moja tu ni ulemavu, ni muhimu kwamba demokrasia na maendeleo yanakwemda sambamba,” amesema.

Aidha, Wakili Simba ameishauri Chadema kutowachagua wanasiasa walioshika nafasi za uongozi serikalini kwa muda mrefu, kwa maelezo kwamba wamechokwa na wananchi.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Wazanzibar watarajia makubwa kutoka NMB Pesa Akaunti

Spread the loveWateja wapya wa Benki ya NMB wa Zanzibar wanatarajia neema...

Habari MchanganyikoHabari za Siasa

Kinana aungana na Tale kugawa mitungi ya gesi 800

Spread the loveMAKAMU Mwenyekiti wa Chama Cha Mapinduzi (CCM) Tanzania Bara, Abdulrahman...

Habari za SiasaTangulizi

Makonda amjibu Mwenyekiti UWT, “wananipa nguvu ya kuwapiga spana”

Spread the loveMKUU wa Mkoa wa Arusha, Paul Makonda amemshukia Mwenyekiti wa...

Habari MchanganyikoHabari za Siasa

Madeni ya bilioni 219 yalipwa, wadai wengine waitwa

Spread the loveSERIKALI imesema kuanzia Mei mwaka 2021 hadi sasa imelipa madai...

error: Content is protected !!