Marekani yajipanga kuziwekea vikwazo vipya Urusi, China

MAREKANI imepangakutangaza vikwazo vipya dhidi ya nchi zq Urusi na China kuanzia tarehe 16 Disemba, 2022 kutokana na ukiukwaji wa haki za binadamu katika nchi zote mbili.Gazeti la Wall Street Journal limeripoti…(endelea).

Kwa mujibu wa gazeti hilo, sehemu ya vikwazo hivyo vitahusiana na Sheria ya Global Magnitsky ambayo inaidhinisha serikali ya Marekani kuwawekea vikwazo maafisa wa serikali ya kigeni duniani kote.

Pia vikwazo hivyo vitafungia mali yoyote ambayo Urusi na Uchina zilizo chini ya mamlaka ya Amerika, kuzuia kusafiri kwao kwenda Marekani  na kuweka marufuku ya biashara.

Vikwazo hivyo  vitalenga vyombo kadhaa  vya ulinzi vya Urusi vinavyodaiwa kuhusishwa na uhamisho wa ndege za Iran zisizo na rubani, na shughuli za uvuvi haramu katika Bahari ya Pasifiki ambayo Washington inailaumu Beijing.

Bunge la Marekani lilipitisha Sheria ya Magnitsky mwaka 2012 kufuatia kifo cha mhasibu wa ushuru wa Urusi, Sergei Magnitsky katika gereza la Moscow mwaka 2009 baada ya kuishutumu serikali kwa ufisadi.

Mwaka wa 2016, Bunge la Marekani lilipanua sheria hiyo kwa kupitisha Sheria ya Global Magnitsky, ambayo inaruhusu serikali ya Marekani kuweka vikwazo kwa taasisi yoyote au mtu yeyote anayehusishwa na ukiukaji wa haki za binadamu au rushwa.

Nchi nyingine zikiwamo Uingereza na Canada, zimepitisha sheria hiyo.

Taarifa kuhusu vikwazo hivyo inakuja huku Marekani ikiielezea China kama tishio linaloshika kasi na Urusi kuwa tishio kubwa.

Wizara ya Ulinzi ya Marekani ndiyo imetoa Ripoti ya Nguvu za Kijeshi ya China ya 2022 wiki iliyopita huku China yenyewe na Urusi  zikiendelea kuweka misingi katika Mkakati wa Kitaifa wa Ulinzi.

Naibu Katibu Msaidizi wa Ulinzi kwa Utayari wa Kijeshi nchini Marekani, Kimberly Jackson alisema Pentagon iko tayari kwa mambo zaidi ya Uchina na Urusi pekee.

“Utayari wa kimkakati, ni juu ya usawa,  hatuongelei hitaji kamili la kuwa tayari katika siku za usoni, kwa sababu tunafikiria juu ya utayari kutoka kwa mtazamo wa kimkakati.”

Akizungumza na kituo cha Usalama Mpya cha Marekani kwenye kikoa cha kujadili juu ya ukiukwaji wa haki za binaadam, Jackson alibainisha kuwa utayari wao anaomaanisha kuhakikisha kuwa idara hiyo ina uwezo wa kufanya shughuli na kukabiliana na dharura ambayo haiwezi kutabiriwa kama vile uvamizi wa Urusi nchini Ukraine Februari mwaka huu.

“Hilo sio jambo ambalo tulipanga kwa miaka iliyopita tunahitaji kuwa na uwezo wa kufanya michakato yetu iweze kutabirika ambayo inaturuhusu kupanga na kutumia rasilimali katika siku zijazo na kufikiria kwa uangalifu juu ya jinsi tunavyopiga mbizi, jinsi tunavyofanya kisasa, jinsi tunavyohakikisha utayari huo kwa miaka mingi,” aliongeza.