Sunday , 28 April 2024
Home Gazeti Habari za Siasa Serikali: Bei ya korosho ni 3,300 – 2,640
Habari za Siasa

Serikali: Bei ya korosho ni 3,300 – 2,640

Zao la Korosho
Spread the love

SERIKALI ya Jamhuri imeeleza kuwa, bei inayotumika kununua korosho za wakulima ni Sh. 3,300 kwa zile za gredi ya kwanza na 2,640 kwa korosho za gredi ya pili. Anaripoti Danson Kaijage, Dodoma … (endelea).

Kauli hiyo imetplewa leo bungeni tarehe 4 Februari 2019 na Omar Mgumba, Naibu Waziri wa Kilimo na kwamba, korosho zilizo chini ya kiwango hicho hazitanunuliwa.

Mgumba amesema kuwa, serikali haiwezi kununua korosho ambazo ni ‘mawe’ ili kuondokana na kushusha thamani kama vitendo mbavyo viliwahi kutokea awali na kusababisha zao hilo kuonekana halina thamani.

Kauli hiyo imetolewa baada ya Cecil Mwambe, Mbunge wa Ndanda (Chadema) kuitaka serikali itoe kauli ni kwanini imekuwa hainunui korosho kwa bei elekezi ya Rais John Magufuli.

Mbunge huyo alihoji serikali na kutaka ieleze kuwa, kuna tofauti gana ya wanunuzi wa korosho kwa mtindo wa Kangomba kwa wanunuzi wadogo na wanaunuzi wa Kangomba kwa wanaunuzi wakubwa kutoka nchi za nje.

Awali katika swali la Halima Mdee, Mbunge wa Jimbo la Kawe (Chadema) alisema kuwa, mwezi  Novemba 2018  rais aliutangazia ulimwengu kwamba serikali yake itanunua korosho  zote kwa bei isiyopungua shilingi 3000.

Kutokana na kauli hiyo ya rais Mdee alitaka kujua mpaka sasa ni kiasi gani kimetumika na kutoka chanzo kipi na je tani ngapi zimenunuliwa.

Mgumba amesema, kuhusu kangomba alisema serikali haifanyi biashara hiyo bali inanunua korosho na kuuzia kampuni kubwa ambazo zipo tayari kununua zao hilo.

Aidha Naibu Waziri huyo alisema kuwa katika makadirio ya uzalishaji wa korosho msimu wa 2018/2019 ni zaidi ya tani 240,000 za korosho ghafi.

Amesema, hadi kufikia Januari 30, mwaka huu serikali imenunua jumla ya tani 214,269,684 za korosho ghafi zenye thamani ya Sh.707,089,957,200 sawa na asilimia 89.3 ya leno la uzalishaji.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Biteko aipongeza GGML kudhibiti vifo, majeruhi mahali pa kazi

Spread the loveNAIBU Waziri Mkuu na Waziri wa Nishati, Dk. Doto Biteko...

Habari za Siasa

Askofu Shoo awataka ACT kupigania maslahi ya Taifa, wasikubali kuhongwa

Spread the loveALIYEKUWA Askofu Mkuu wa Kanisa la Kiinjili la Kilutheri, Askofu...

Habari za Siasa

Biteko aagiza waajiri kudhibiti vifo mahali pa kazi

Spread the love  NAIBU Waziri Mkuu na Waziri wa Nishati, Dk. Doto...

Habari MchanganyikoHabari za Siasa

Mavunde aibana kampuni kutimiza masharti ya mkataba

Spread the loveWaziri wa Madini, Anthony Mavunde ameitaka Kampuni ya Xin Tai...

error: Content is protected !!