Wakristo duniani washerehekea Sikukuu ya Krismasi

Shamrashamra za Krismasi zinaendelea  duniani kote leo Jumatatu, siku ambayo Wakiristo wanasherehekea sikukuu ya kuzaliwa kwa Mwokozi wao Yesu Kristo.

Sikukuu hii imejiri wakati dunia ikielekeza macho yake katika vita vinavyoendelea kati ya Israel na kundi la wanamgambo la Hamas kutoka Palestina,  katika Ukanda wa Gaza na maeneo mengine ya Palestina. Anaripoti Mwandishi Wetu …(endelea).

Wakristo duniani kote wanamiminika makanisani leo kuadhimisha sikukuu hiyo ya Krismasi.

Kulingana na imani ya Kikristo, Krismasi ni sikukuu ambayo wanaamini kuwa Yesu Kristo (Isa) alizaliwa bethlehemu nchini israeli.  Wakiristo wanaamini kuwa kuzaliwa kwa Yesu Kristo kuliwaletea ukombozi.

Tarehe 25 mwezi Desemba kila mwaka, Wakiristo kote duniani hutumia siku hiyo kwenda makanisani na baadaye kusherehekea pamoja nyumbani na maeneo mengine kwa kula vyakula na kutoa zawadi.

Mjini Bethlehem uliopo nchini Israel ni mji ambao Wakiristo wanaamini kuwa Yesu alizaliwa huko.

Mwaka huu hakukushuhudiwa shamrashamra kama miaka ya nyuma kutokana na vita vinavyoendelea kati ya Israel na Hamas, huku wengine wakiendelea kuandamana kwa kutaka ndugu zao wanaoshikilia na kuli hili la wanamgambo wa Hamas waachiliwe mara moja na Israel ikomeshe vita vyake dhidi ya raia wa Palestina.

Tayari Kiongozi Mkuu wa Kanisa Katoliki duniani, Papa Francis, alishatoa tamko la kutaka mapigano kati ya Irael na Hamas yasitishwe haraka iwezekanavyo.

“Mioyo yetu, jioni ya leo, iko Bethlehemu, ambapo mkuu wa amani bado anakataliwa na hoja isiyofaa ya vita, na mapigano ambayo, hata leo, yanamzuia kupata nafasi duniani,” amesema Kiongozi wa Kanisa Katoliki duniai Papa Francis kutoka Kanisa kuu la Mtakatifu Petro mjini Vatican.

Takriban waumini 6,500, kwa mujibu wa Vatican, wamehudhuria misa iliyoongozwa na papa mbele ya viongozi wa kidini na wanadiplomasia, huku mamia ya wengine wakiifuata kwenye skrini kubwa zilizowekwa nje ya uwanja huo.

Makao makuu ya Ukristo, mji wa Bethlehem – ambapo Kristo alizaliwa kulingana na mila – iliachwa na mahujaji mwaka huu na kufuta sherehe nyingi za Krismasi kutokana na vita.