Friday , 3 February 2023
Home Gazeti Habari za Siasa Siku 14 za Wambura kufikia U-DCI, Rais Samia…
Habari za Siasa

Siku 14 za Wambura kufikia U-DCI, Rais Samia…

Spread the love

 

NYOTA ya Camilius Wambura, ndani ya Jeshi la Polisi Tanzania, imeendelea kung’aa, baada ya Amri Jeshi Mkuu, Rais Samia Suluhu Hassan, kumpandisha cheo kutoka Kamishna Msaidizi Mwandamizi wa Polisi (SACP) kuwa Kamishna wa Polisi (CP). Anaripoti Nasra Bakari, DMC … (endelea).

Pia, Rais Samia amemteua Kamishna Wambura kuwa Mkurugenzi wa Upelelezi wa Makosa ya Jinai (DCI), akichukua nafasi ya Robert Boaz.

Ni ndani ya kipindi cha takribani wiki mbili, ambapo Wambura alikuwa Mkuu wa Operesheni Dodoma na sasa anakuwa DCI.

Mabadiliko hayo ndani ya Jeshi la Polisi, yametangazwa, leo Jumatatu, tarehe 31 Mei 2021 na Gerson Msigwa, Mkurugenzi wa Mawasiliano ya Rais Ikulu.

Kabla ya uteuzi huo, Wambura alikuwa Kamanda wa Polisi Kanda Maalum ya Dar es Salaam, nafasi aliyohudumu kwa takribani wiki mbili kuanzia tarehe 17 Mei 2021, akichukua nafasi ya Lazaro Mambosasa.

Rais wa Tanzania, Samia Suluhu Hassan

Mabadiliko hayo, yalifanywa na Inspekta Jenerali wa Polisi Tanzania (IGP), Simon Sirro ambapo, Mambosasa alimpeleka kuwa Mkuu wa Operesheni Dodoma.

Taarifa hiyo ya Msigwa imesema, Rais Samia amempandisha cheo Kamishna Msaidizi wa Polisi (ACP) Hamad Khamis Hamad kuwa Kamishna wa Polisi (CP).

Wambura, amewahi pia kuwa Kamanda wa Polisi Kinondoni mkoani Dar es Salaam na baadaye kuwa Mkuu wa Upelelezi wa Kanda Maalum ya Dar es Salaam.

Pamoja na kumpandisha cheo, Rais Samia amemteua Hamad kuwa Mkuu wa Kamisheni ya Fedha na Lojistiki wa Jeshi la Polisi Tanzania.

Kabla ya uteuzi huo, CP Hamad alikuwa Naibu Mkurugenzi wa Upelelezi wa Makosa ya Jinai, Makao Makuu ya Polisi Zanzibar.

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari za Siasa

Gridi ya Taifa kufumuliwa kukabiliana na katizo la mgao wa umeme

Spread the love  WAZIRI wa Nishati, Januari Makamba, amesema Serikali ina mpango...

Habari za Siasa

Kamati ya Bunge yaitaka Serikali kuchunguza dawa za asili

Spread the love  KAMATI ya Kudumu ya Bunge ya Huduma na Maendeleo...

Habari za Siasa

Kada NCCR-Mageuzi aliyepotea aokotwa porini akiwa taabani, hajitambua

Spread the love  MWENYEKITI wa Jumuiya ya Vijana ya Chama cha NCCR-Mageuzi,...

error: Content is protected !!