Friday , 24 May 2024
Home Kitengo Maisha Elimu Serikali kufumua mitaala ya vyuo vikuu, ufundi stadi
ElimuHabari za Siasa

Serikali kufumua mitaala ya vyuo vikuu, ufundi stadi

Spread the love

SERIKALI inakusudia kufanya mapitio katika mitaala na programu za vyuo vikuu na vyuo vya ufundi stadi ili kuzifanyia maboresho kwa lengo la kuhakikisha wahitimu wake wanapata elimu bora itakayowawezesha nchi kupata rasilimali watu yenye ujuzi na maarifa. Anaripoti Mwandishi Wetu, Dar es Salaam…(endelea).

Hayo yamebainishwa leo tarehe 7 Mei 2024, bungeni jijini Dodoma na Waziri wa Elimu, Sayansi na Teknolojia, Profesa Adolph Mkenda, akiwasilisha makadirio ya mapato na matumizi ya wizara yake kwa mwaka wa fedha wa 2024/25.

Prof. Mkenda amesema katika utekelezaji wa bajeti ya wizara yake ya 2024/25, watafanya mapitio ya mitaala 171, kuandaa mitaala mipya 18 pamoja na kuanzisha program za vipaumbele 145 za elimu ya juu. Pia, itaanzisha vituo vya elimu huruia ili kuongeza fursa za upatikanaji wa elimu ya juu.

Katika hatua nyingine, Prof. Mkenda amesema wizara yake itahakiki mitaala 230 ya vyuo vya elimu ya ufundi na mafunzo ya ufundi stadi, ili kuhakikisha mafunzo yanayotolewa yanakidhi mipango ya nchi, soko la ajira la kitaifa na kimataifa na kuwawezesha wahitimu kujiajiri na kukabiliana na tatizo la ukosefu wa ajira.

“Serikali itaendelea na mapitio ya Sheria ya Elimu ili iendane na Sera ya Elimu na Mfunzo 2014 toleo la 2023. Vilevile itafanya mapitio ya sheria na miundo ya taasisi mbalimbali ikiwemo COSTECH, TLSB, NECTA, VETA, TCU, NACTVET na TEA ili ziendane na maboresho ya sera na sheria na makubaliano mbalimbali ya kikanda na kimataifa,” amesema Prof. Mkenda.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Biteko awataka makatibu mahsusi kujiendeleza, kuwa kielelezi cha huduma bora

Spread the loveNaibu Waziri Mkuu na Waziri wa Nishati, Dk. Doto Biteko...

Habari za SiasaMakala & Uchambuzi

Rais Samia muonee huruma Dk. Phissoo

Spread the loveRAIS wangu mama Samia, wiki iliyopita baada ya kuwa nimekuandikia...

Habari za SiasaMakala & Uchambuzi

Miaka 63 ya Uhuru bila katiba ya wananchi

Spread the loveWAFUASI wa Chama cha Demokrasia na Maendeleo (Chadema) na wanaharakati...

Habari za SiasaMakala & Uchambuzi

Serikali mbili ni sera ya CCM, si mkataba wa Muungano

Spread the loveMUUNGANO kati ya Tanganyika na Zanzibar uliotimiza miaka 60 tangu...

error: Content is protected !!