Friday , 3 February 2023
Habari za SiasaTangulizi

Polisi wamsaka Kigogo

Spread the love

 

JESHI la Polisi Mkoa wa Kipolisi Kinondoni, Dar es Salaam linamsaka mwanaharakati anayejiita jina la Kigogo katika mtandao wa Twitter. Anaripoti Mwandishi Wetu, Dar es Salaam…(endelea).

‘Mwanaharakati’ huyo anadaiwa kuzusha hofu baada ya kusambaza taarifa za uongo, kwamba Rais John Magufuli anaumwa.

Taarifa hiyo imetolewa na Ramadhani Kingai, Kamanda wa Jeshi la Polisi Kinondoni leo Jumamosi tarehe 13 Machi 2021, wakati akizungumza na vyombo vya habari mkoani Dar es Salaam.

Kamanda Kingai amesema, jeshi hilo linaendelea kumfuatilia Kigogo, na kwamba wakati wowote litamkamata kujibu tuhuma zinazomkabili za kumzushia ugonjwa Rais Magufuli.

“Bado tunaendelea kufuatilia taarifa za wengine ambao wanasambaza taarifa za kizushi, yeyote atakayesambaza tunapekua kila sehemu, tutazifanyia kazi kuhakikisha wanaohusika wanachukuliwa hatua za kisheria.

“Huyu anayeitwa  Kigogo ni mhalifu kama wengine, tunaendelea kupekua kuhakikisha na yeye tunamtia mbaroni. Muda, siku haijafahamika ila tutamkamata tu,” ameahidi Kamanda Kingai.

 

Taarifa zinazodai Rais Magufuli mgonjwa, zilianza kusambazwa mitandaoni hasa twitter mapema wiki hii.

Hata hivyo, jana tarehe 12 Machi 2021 akiwa mkoani Njombe, Waziri Mkuu, Kassim Majaliwa alikanusha madai hayo.

Alisema, Rais Magufuli yupo buheri wa afya na haonekani hadharani kwa sababu, anatekeleza majukumu yake.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Vijana ACT-Wazalendo Dar wampa tano Rais Samia

Spread the love  NGOME ya Vijana ya Chama cha ACT-Wazalendo, kimempongeza Rais...

Habari za Siasa

ACT-Wazalendo yaiangukia Serikali kunusuru wananchi Liwale, Nachingwea

Spread the love  CHAMA cha ACT-Wazalendo, kimeitaka Serikali kuchukua hatua za haraka...

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari za Siasa

Gridi ya Taifa kufumuliwa kukabiliana na katizo la mgao wa umeme

Spread the love  WAZIRI wa Nishati, Januari Makamba, amesema Serikali ina mpango...

error: Content is protected !!