December 3, 2022

Uhuru hauna Mipaka

Lissu: Nitakuwa kama Nyerere

Tundu Lissu, Mgombea Urais wa Tanzania kwa tiketi ya Chadema

Spread the love

TUNDU Lissu, mgombea urais wa Tanzania kupitia Chama cha Demokrasia na Maendeleo (Chadema), ameahidi kufuata nyayo za Mwalim Julius Kambarage Nyerere, Rais wa Kwanza wa nchi hiyo endapo atakuwa rais. Anaripoti Mwandishi Wetu, Mara … (endelea). 

Ametoa kauli hiyo jana Alhamisi tarehe 15 Oktoba 2020, kwenye mkutano wake wa kampeni katika Wilaya ya Rorya mkoani Mara.

Amesema, Hayati Mwalimu Nyerere ambaye ni muasisi taifa hilo alipinga mamlaka makubwa aliyopewa na Katiba ya Tanzania.

Lissu amemnukuu Mwalimu Nyerere kwamba, katika uongozi wake alisema anaweza kuwa na mamlaka ya kuwa dikteta kwa mujibu wa sheria na Katiba ya nchi.

Julius Nyerere, Hayati Baba wa Taifa

“Mimi nitakuwa rais aina ya Mwalimu Nyerere, kwa sababu mwaka 1978 alipokuwa anahojiwa na BBC (Shirika la Utangazaji la Uingereza) kuhusu mamlaka yake, alisema kwa mujibu wa Katiba na sheria ya nchi, mimi ninaweza kuwa na mamlaka ya kuwa dikteta,” amesema Lissu akimnukuu Hayati Nyerere.

Kwenye kampeni hizo, Lissu ameahidi kurejesha mchakato wa Katiba Mpya itakayorudisha mamlaka kwa wananchi.

“Nchi hii inahitaji Katiba mpya na katiba mpya ni mkataba wa wananchi, nitarudisha mamlaka ya wananchi, nitakuwa rais wa katiba mpya,” ameahidi Lissu.

Leo Ijumaa, Lissu anaendelea na kampeni mkoani Tabora.

error: Content is protected !!