Sunday , 5 February 2023
Home Gazeti Habari za Siasa LHRC yafichua madudu mengine
Habari za SiasaTangulizi

LHRC yafichua madudu mengine

Spread the love

MATOKEO ya ripoti ya Haki za Binadamu na Biashara ya mwaka 2017 ya Kituo cha Sheria na Haki za Binadamu (LHRC) yamebainisha kwamba kutoshirikiswa kwa wananchi katika mchakato wa utwaaji ardhi kwa ajili ya uwekezaji kumepelekea uwepo wa migogoro ya ardhi katika baadhi ya maeneo hapa nchini. Anaripoti Regina Kelvin … (endelea) .

Akielezea matokeo ya Ripoti hiyo iliyozinduliwa leo tarehe 16 Agosti, 2018 jijini Dar es Salaam na Mkurugenzi Mtendaji wa LHRC Wakili Anna Henga, Mratibu Msaidizi wa Haki za Binadamu na Biashara, Tito Magoti amesema wawekezaji wengi huchukua maeneo makubwa pasina kuyatumia kitendo kinachosababisha wananchi kuanzisha migogoro.

Wakili Magoti ametaja baadhi ya mikoa yenye migogoro hiyo ikiwemo mkoa wa Manyara, Kilimanjaro hasa Wilayani Moshi na Musoma ambapo utafiti wao ulibaini kwamba wawekezaji wengi hawayatumii maeneo kitendo kinachonyima fursa wananchi wa eneo husika kuyatumia.

“Wawekezaji hupewa maeneo makubwa huku wananchi wakizuiwa kutumia maeneo wanayoshindwa kuyatumia. Vile vile utafiti umebaini kwamba wananchi hawashirikishwi katika mchakato wa ugawaji wa ardhi kwa wawekezaji kitendo kinacholeta migogoro,” amesema Magoti.

Kufuatia matokeo hayo, Magoti ameitaka serikali hasa serikali za mitaa kuwashirikisha wananchi wakati wa mchakato wa utwaaji ardhi kwa ajili ya uwekezaji ili kuondoa migogoro isiyo na lazima.

Kuhusu matokeo ya ripoti hiyo, yamebainisha kwamba asilimia 64 ya wanajamii walioshiriki katika utafiti huo walidai kwamba wawekezaji hawakuwaruhusu wanakijiji kutumia sehemu ya ardhi hiyo kwa ajili ya shughuli za kiuchumi wakati asilimia 8 walikiri kuruhusiwa huku asilimia 28 wakisema hawajui.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Prof. Muhongo aungana na wananchi ujenzi maabara za sekondari

Spread the loveMBUNGE wa Musoma Vijijini, Profesa Sospeter Muhongo, kwa kushirikiana na...

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari za Siasa

CCM apiga marufuku wazazi kuwatumia watoto wa kike kwenye mambo ya kimila

Spread the loveKATIBU Mkuu wa Chama Cha Mapinduzi (CCM) Taifa Daniel Chongolo...

Habari za Siasa

Ofisi za mabalozi wa mashina zitumike kuwale vijana kimaadili – Chongolo

Spread the loveKATIBU Mkuu wa Chama Cha Mapinduzi (CCM) Daniel Chongolo ameagiza...

error: Content is protected !!