Sunday , 19 May 2024
Home Gazeti Habari za Siasa Bunge: Wadaiwa matrekta ya SUMA JKT wabanwe
Habari za Siasa

Bunge: Wadaiwa matrekta ya SUMA JKT wabanwe

Matrekta yakiwa katika ofisi za SUMA JKT Mwenge
Spread the love

SERIKALI inatakiwa kuchukua hatua dhidi ya wanasiasa wakiwemo wale waliostaafu ambao wameshindwa kurejesha mikopo ya matrekta waliyopata kutoka Shirika la Uzalishaji Mali linaloendeshwa na Jeshi la Kujenga Taifa (SUMA JKT). Anaripoti Danson Kaijage, Dodoma … (endelea).

Agizo hilo limetolewa bungeni na mwenyekiti wa Kamati ya Kudumu ya Bunge ya Hesabu za Serikali (PAC), Naghenjwa Kaboyoka wakati akiwasilisha taarifa ya kazi za kamati hiyo kwa mwaka wa 2018.

Kaboyoka ambaye ni mbunge kupitia Chama cha Demokrasia na Maendeleo (CHADEMA), alisema kuna limbikizo kubwa la deni linalotokana na hatua ya kutorejeshwa mikopo ambayo kwa sehemu kubwa walionufaika ni wanasiasa.

Wanufaikaji wengine wa mikopo hiyo iliyofikia thamani ya Sh. Bilioni 40 na ambayo ilianza kutolewa mwaka 2011 mpaka 2016, ni taasisi mbalimbali. Taarifa ya Kaboyoka ilisema deni hilo ni la kufikia Juni 30 mwaka 2017.

Alisema uchambuzi wa kamati umebaini kuwa baadhi ya wadaiwa sugu wa mikopo ni viongozi katika serikali wa sasa na waliostaafu.

“Kama jitihada za dhati hazitafanyika kuna viashiria kuwa madeni hayo hayatalipwa na kuiweka Suma JKT katika hali ngumu kiutendaji… kutorejesha mikopo ni ukiukaji wa mikataba na ni kuisababishia hasara serikali,” alisema.

Ndipo alipotoa kauli kwamba, “… Bunge linaazimia kwamba serikali ifanye uchunguzi wa kina ili kubaini taratibu zilizotumika katika utoaji wa mikopo ya matrekta kwa watu na taasisi mbalimbali na ichukue hatua stahiki kwa wahusika wanaodaiwa.”

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!