Saturday , 22 June 2024
Home Gazeti Habari za Siasa Asasi za kiraia 272 Tanzania kushiriki uchaguzi mkuu 2020 
Habari za SiasaTangulizi

Asasi za kiraia 272 Tanzania kushiriki uchaguzi mkuu 2020 

Dk. Wilson Mahera, Mkurugenzi wa Uchaguzi wa NEC
Spread the love

TUME ya Taifa ya Uchaguzi (NEC) nchini Tanzania, imetoa vibali vya kushiriki shughuli za Uchaguzi Mkuu wa Oktoba 2020, kwa Asasi za Kiraia 272. Anaripoti Regina Mkonde, Dar es Salaam … (endelea).

Hayo amesema Dk. Wilson Mahera, Mkurugenzi wa Uchaguzi wa NEC, leo Jumanne tarehe 30 Juni 2020 wakati akizungumza kwa simu na MwanaHALISI ONLINE.

Dk. Mahera amesema, vibali hivyo vimetolewa jana Jumatatu tarehe 29 Juni 2020 na kwamba kuanzia leo, AZAKI zilizokidhi vigezo vya kupata kibali cha kushiriki uchaguzi huo, vitapewa barua rasmi.

Dk. Mahera amesema, AZAKI 245 zimepewa vibali vya kutoa elimu ya mpiga kura na 27 zimepewa vibali vya kuwa waangalizi wa ndani wa uchaguzi.

“Tulitoa vibali jana kwa hiyo barua zao wanaanza kupokea kuanzia leo.  Azaki 245 ni zile zilizopatiwa vibali vya kutoa elimu ya mpiga kura na asasi 27 zimepewa vibali  vya kuwa waangalizi wa ndani wa uchaguzi,” amesema Dk. Mahera.

Kuhusu waangalizi wa nje, Dk. Mahera amesema, NEC itatoa tangazo la maombi ya vibali vya uangalizi wa uchaguzi, kwa waangalizi wa uchaguzi wa nje, mwanzoni mwa Julai 2020.

Sanduku la kura

“Waangalizi wa nje hao tangazo lao bado halijatoka, tutatoa tangazo hivi karibuni ili waweze kuomba. Mwezi ujao tutatoa tangazo,” amesema Dk. Mahera.

Dk. Mahera amesema, NEC itatoa ratiba rasmi ya uchaguzi huo, pindi itakapopata tangazo la kuvunjwa kwa Bunge.

“Bado tangazo la kuvunjwa Bunge hatujalipata, lakini tunaamini tutapata hivi karibuni na tukishapata, tutatoa ratiba ya uchaguzi,” amesema Dk. Mahera.

Tarehe 16 Juni 2020, Rais wa Tanzania, John Pombe Magufuli alilihutibia kwa mara ya mwisho Bunge la 11 la Jamhuri ya Muungano wa Tanzania na kisha kinachosubiriwa ni tangazo la kuvunjwa kwa Bunge kutangazwa katika Gazeti la Serikali.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Padre anayetuhumiwa mauaji ya Asimwe, asimamishwa

Spread the loveKanisa Katoliki Jimbo la Bukoba limemsimamisha kutoa huduma za kichungaji...

Habari MchanganyikoHabari za Siasa

Serikali yaahidi kushirikiana na Prof. Ndakidemi kuhamasisha zao la kahawa

Spread the loveSerikali imeahidi kuungana na Mbunge wa Moshi Vijijini, Profesa Patrick...

BiasharaHabari MchanganyikoHabari za Siasa

IMF yaimwagia Tanzania trilioni 2.4 kukabili mabadiliko ya hali ya hewa

Spread the loveShirika la Kimataifa la Fedha (IMF) jana Alhamisi limesema bodi...

Habari za SiasaKimataifa

Mmoja afariki, 30 wajeruhiwa maandamano Kenya

Spread the loveMtu mmoja ameripotiwa kuuawa na wengine zaidi ya 30 kujeruhiwa...

error: Content is protected !!