Thursday , 9 May 2024
Home Gazeti Habari za Siasa Chadema, ACT-Wazalendo waingia ‘mzigoni’
Habari za SiasaTangulizi

Chadema, ACT-Wazalendo waingia ‘mzigoni’

Spread the love

WAKATI Chama cha Demokrasia na Maendeleo (Chadema, kikijifungia leo tarehe 7 Novemba 2019, kikijadili mikiki inayokumbana nayo kuelekea uchaguzi wa serikali za mitaa, Chama cha ACT-Wazalendo kimechukua mkondo huo. Anaripoti Martin Kamote … (endelea).

Hatua ya vyama hivyo viwili, kujichimbia kujadili ghiliba zinazofanya na wasimamizi wa uchaguzi huo, ili kukisaidia chama tawala – Chama Cha Mapinduzi (CCM), imelenga kutafutia mwarobaini wake.

Akizungumza na wanahabari leo jijini Dar es Salaam, Dorothy Temu, Katibu Mkuu wa ACT-Wazalendo amesema, ushirikiano imara na vyama vingine vya upinzani, unaweza kuondoa kile alichokiita hujuma za CCM.

“Hakuna namna, kinachofanywa kwa sasa si kwa bahati mbaya, wasimamizi wana maelelezo ya CCM ama serikali. Kila chama kikienda kivyaka hakiwezi kufanikiwa, lazima tukabili upuuzi  huu,” amesema.

Ameeleza kuwa, Kamati ya Uongozi ya ACT-Wazalendo itaketi kwa dharura ili kutafakari matukio yanayoendelea kutokea, pamoja na kutoa mapendekezo ya namna ya kukabiliana na matukio hayo.

Wakati chama kikipanga kukutana, John Mrema, Mkurugenzi wa Mawasiliano, Itikadi, Uenezi na Mambo ya Nje wa Chadema amesema, Kamati Kuu ya chama hicho inakutana leo kupitia na kutoa uamuzi kulingana na taarifa walizo nazo na namna hujuma zilizofanywa kawa wagombea wao.

“Tumeitisha kikao cha dharura cha kamati kuu na baada ya kikoa hiki tutakutana na wabunge na kisha tutatoa msimamo wa chama,” amesema Mrema.

Temu amesema, ACT-Wazalendo kimefanya mawasiliano na vyama vingine vya upinzani, ili kuunganisha nguvu katika kukabiliana na hujuma hizi zilizofanyika.

“Kamati ya uongozi ya ACT imeitisha kikao cha dharura, kwa ajili ya kutafakari hali hii mbaya ya kisiasa, na kupendekeza hatua za kuchukuwa,  iwapo wanachama wetu hawatarudishwa kugombea,” amesema Temu na kuongeza;

“Huu ni wakati mufaka kwa vyama vya upinzani kuwa na mshikamano dhidi ya udhalimu wa Serikali ya CCM.

“Tumekuwa na muungano tangu tuliposhirikiana kushughulikia sheria ya vyama vya siasa, hujuma kwa chama kimoja ni hujuma kwa chama kingine, tutazidi kuwaita wengine zaidi.”

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Rais Samia: Matumizi ya nishati safi sio anasa, ladha ipo

Spread the loveRAIS Samia Suluhu Hassan amesema matumizi ya nishati safi kwa...

Habari za SiasaTangulizi

Samia: Kuanzia Agosti marufuku kutumia mkaa, kuni

Spread the loveRAIS Samia Suluhu Hassan amemuagiza Waziri wa Nchi, Ofisi ya...

Habari za SiasaTangulizi

Mwendokasi Kigogo – Segerea kujengwa awamu ya 5

Spread the loveNaibu Waziri wa Nchi Ofisi ya Rais (TAMISEMI), Festo Dugange...

Habari za SiasaMakala & Uchambuzi

Rais Samia ni Mzanzibari: Shida Iko Wapi?

Spread the loveTAIFA linakabiliwa na upungufu wa fikra sahihi. Upungufu huu unaonekana...

error: Content is protected !!