Hisia za Polepole, Zitto kwa Sumaye

ZITTO Kabwe, Kiongozi wa Chama cha ACT-Wazalendo pamoja na Humphrey Polepole, Katibu wa Itikadi na Uenezi wa Chama Cha Mapinduzi (CCM) wamezungumzia hatua ya Frederick Sumaye, kuondoa Chadema. Anaripoti Regina Mkonde … (endelea).

Kupitia ukurasa wake wa twitter, Zitto amesema chama chake kimehuzunishwa na uamuzi wa Sumaye kupumzika siasa, kwa kuwa alikuwa tunu katika siasa za upinzani.

“Sisi kama chama tumehuzunishwa na uamuzi wa Mzee Sumaye kupumzika Siasa. Ilikuwa ni tunu katika upinzani kuwa na Waziri Mkuu Mstaafu katika ngazi zake za Uongozi.

“Bila shaka tutachota maarifa na uzoefu wake kama mwenyewe alivyoruhusu. Chama chetu kinaheshimu na kuthamini Wastaafu,” ameandika Zitto.

Aidha, Zitto amekitakia kheri chama cha Chadema katika uchaguzi wao wa viongozi unaotarajia kufanyika tarehe 18 Desemba 2019.

“Kwa upande wangu nawatakia kila la kheri wenzetu wa Chadema katika uchaguzi wao unaoendelea. Dhamira yetu ya kuunganisha nguvu ya Vyama vya upinzani ili kukabiliana na CCM haina mashaka. Mara baada ya Uchaguzi wa wenzetu tutaendelea na mazungumzo ya ushirikiano na Uongozi mpya,” ameandika Zitto.

Kwa upande wake Polepole kupitia ukurasa wake wa Twitter amesema walimshauri Sumaye asihamie Chadema kwa madai kwamba ni mali ya mtu mmoja, lakini hakusikia.

“Mzee nilikwambia, kazi ya ushauri hutaipata ukiwa nje ya CCM wenzako wanaotushauri na tunazingatia ushauri wao kwasababu tunawaheshimu, ni wana CCM na kiitikadi tuko pamoja. Sasa umebaki bila Itikadi.

“Ile ni mali ya mtu ni yake, nilikwambia mwache, ona sasa unahama mara ya pili,” ameandika Polepole katika ukurasa wake wa Twitter.

Leo tarehe 4 Desemba 2019 ametangaza kuondoka Chadema kwa maelezo ya kutoridhishwa na siasa za chama hicho, hasa ukosefu wa demokrasia, kufuatia kufanyiwa figisu katika uchaguzi wa Kanda ya Pwani.

Sumaye amesema hana mpango wa kujiunga na chama chochote, na kuwa, anapumzika siasa.

ZITTO Kabwe, Kiongozi wa Chama cha ACT-Wazalendo pamoja na Humphrey Polepole, Katibu wa Itikadi na Uenezi wa Chama Cha Mapinduzi (CCM) wamezungumzia hatua ya Frederick Sumaye, kuondoa Chadema. Anaripoti Regina Mkonde … (endelea). Kupitia ukurasa wake wa twitter, Zitto amesema chama chake kimehuzunishwa na uamuzi wa Sumaye kupumzika siasa, kwa kuwa alikuwa tunu katika siasa za upinzani. “Sisi kama chama tumehuzunishwa na uamuzi wa Mzee Sumaye kupumzika Siasa. Ilikuwa ni tunu katika upinzani kuwa na Waziri Mkuu Mstaafu katika ngazi zake za Uongozi. “Bila shaka tutachota maarifa na uzoefu wake kama mwenyewe alivyoruhusu. Chama chetu kinaheshimu na kuthamini Wastaafu,” ameandika Zitto.…

Review Overview

User Rating: Be the first one !

About Regina Mkonde

error: Content is protected !!
Visit Us On FacebookVisit Us On TwitterVisit Us On YoutubeVisit Us On Instagram