Friday , 3 February 2023
Home Kitengo Michezo Stars yatoshana nguvu na Congo
MichezoTangulizi

Stars yatoshana nguvu na Congo

Spread the love

 

SARE ya bao 1-1, ilitosha kuifanya timu ya Taifa ya Tanzania (Taifa Stars) kuondoka na pointi moja kwenye mchezo wa kusaka tiketi ya fainali za kombe la Dunia dhidi ya Jamhuri ya Congo. Anaripoti Mintanga Hunda, TUDARCo

Fainali hizo zitachezwa nchini Qatar 2022, ambapo kwenye mchezo wa kwanza wa kundi J, uliopigwa nchini Congo, kwenye dimba la TP Mazembe Stars ilitoshana nguvu na wenyeji hao.

Kwenye mchezo huo, Congo walikuwa wa kwanza kupata bao kwenye dakika ya 22, kupitia kwa Dieumerci Mbokani na dakika 15 baadae Stars walichomoa bao hilo, kupitia kwa Simon Msumva kwenye dakika ya 37, kwa shuti kali nje ya 18.

Stars ambayo ipo chini ya kocha Kim Poulsen iliingia kwenye mchezo huo, huku likikosekana jina la nahodha wake Mbwana Samatta ambaye alichelewa kujiunga na timu hiyo.

Samatta hakulipoti kikosi toka timu hiyo ilipoingia kambini Agosti 24, mwaka huu jijini Dar es Salaam, na kufanya maandalizi kwa siku tano kabla ya kufasiri Agosti 31 kuelekea nchini Congo.

Kwa matokeo hayo Stars inajiweka kwenye nafasi nzuri ndani ya kundi J, kuelekea mchezo wa pili dhidi ya Madascar utakaopigwa Septemba 7, 2021 kwenye dimba la Benjamin Mkapa jijini Dar es Salaam.

Stars itarejea nchini kesho kwa ndege ya kukodi ya shirika la ndege la Air Tanzania na kuingia kambini moja kwa moja kujianda na mchezo huo wa Madagascar.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Hii hapa kauli ya Sheikh mpya mkoa wa Dar

Spread the loveSAA chache baada ya kuteuliwa kukaimu nafasi ya aliyekuwa Sheikh...

Habari MchanganyikoTangulizi

Breaking news! Mufti amng’oa Sheikh mkoa Dar

Spread the loveBARAZA la Ulamaa la Bakwata katika kikao kilichofanyika tarehe 1...

Habari za SiasaTangulizi

Serikali yatoa tamko bungeni sakatala la viboko shuleni

Spread the love  SERIKALI imewaagiza maafisa elimu wa mikoa na wilaya kuratibu...

Habari za SiasaTangulizi

Lema kurejea Machi 3 na sumu ya kuangamiza chawa

Spread the love  HATIMAYE Mjumbe wa Kamati Kuu ya Chama cha Demokrasia...

error: Content is protected !!