Samia ataka askari waliopandishwa vyeo kurudi kusimamia wafungwa

RAIS Samia Suluhu Hassan amesema hatotoa ajira mpya kwa askari wa jeshi la Magereza na kuagiza waliopandishwa vyeo kurudi kusimamia wafungwa. Anaripoti Mwandishi Wetu, Dodoma … (endelea).

Rais Samia ameyasema hay oleo Ijumaa tarehe 25 Machi 2022 wakati akizundua miradi mbalimbali ya jeshi la Magereza Dodoma.

Amesema kama upandishaji vyeo umesababisha upungufu wa askri wa chini basi inawezekana waliopandishwa wengi hawana kazi za kufanya ofisini, “inawezekana wanazunguka tu kwenye korido za ofisi warudi wakasimamie wafungwa”

“Kusimamia wafungwa kunataka wazoefu. Wale niliowapandisha vyeo ni wazoefu zaidi na warudi wakasimamie wafungwa. Kwa sasa sitatoa ajira. Haina maana kama mtu anapanda cheo anakwenda kukaa ofisini hawana kazi, arudi afanye kazi cheo chako utabaki nacho,” amesema Rais Samia.