Saba wadakwa na kilo 3,182 za ‘unga’

WATU saba wakiwemo wawili raia kutoka barani Asia, wanashikiliwa na vyombo vya ulinzi na usalama kwa tuhuma za kujihusisha na biashara haramu ya dawa za kulevya. Anaripoti Mwandishi Wetu, Dar es Salaam…(endelea).

Taarifa hiyo imetolewa leo tarehe 27 Disemba 2023 na Kamisheni Jenerali wa Mamlaka ya Kudhibiti na Kupambana na Dawa za Kulevya nchini (DCEA), Aretas Lyimo, akitaja ripoti ya operesheni iliyofanywa na mamlaka hiyo kuanzia tarehe 5 hadi 23 Disemba mwaka huu, kwenye mikoa ya Dar es Salaam na Iringa.

Jenerali Lyimo amesema mbali na watu hao kukamatwa, DCEA ilifanikiwa kukamata kilo zaidi ya 3,182 za dawa za kulevya aina ya Heroin na Metamphetamine.

Amesema endapo dawa hizo za kulevya zisingekamatwa zingesambaa mitaani na kuleta madhara ya kiafya kwa wananchi hususan vijana.