Nape ashauri Mdee na wenzake wafukuzwe bungeni

MBUNGE wa Mtama (CCM), Nape Nnauye, ameshauri wabunge viti maalum 19, waliovuliwa uanachama wa Chama cha Demokrasia na Maendeleo (Chadema), waondolewe bungeni. Anaripoti Mwandishi Wetu, Dar es Salaam…(endelea).

Nape ametoa ushauri huo jana tarehe 23 Aprili 2021, katika mjadala wa haki za vyama vya siasa uliofanyika mtandaoni, baada ya kuulizwa maoni yake kuhusu sakata hilo la Mdee na wenzake kufukuzwa Chadema.

Wabunge hao waliofukuzwa Chadema Novemba 2020 kwa tuhuma za usaliti ni, aliyekuwa Mwenyekiti wa Baraza la Wanawake Chadema (Bawacha), Halima Mdee. Waliokuwa Wajumbe wa Kamati Kuu wa chama hicho, Ester Bulaya na Esther Matiko.

Wengine ni, Grace Tendega, Hawa Mwaifunga, Agnesta Lambart, Asia Mohamed, Nusrat Hanje, Tunza Malapo, Cecilia Pareso, Naghenjwa Kaboyoka, Sophia Mwakagenda , Kunti Majala, Salome Makamba, Anatropia Theonest, Conchesta Lwamlaza, Felister Njau na Stella Siyao.

Akizungumzia sakata hilo, Nape amehoji “katiba inasema hatuwezi kuwa na watu ambao hawana vyama, Sasa kama mifumo inasita, then kuna hatua za kuchukua kufuata maamuzi sahihi ya vyama vyao.

Hili liko wazi, nadhani kama hawa wanasema wanachama wa chama fulani, chama hicho kinasema hawa si wanachama wetu, then mnabaki nao vipi?”

Mwanasiasa huyo ameshauri maamuzi ya Chadema ya kuwafukuza uanachama wabunge hao yaheshimiwe.

“Kwa mtazamo wangu nadhani tuheshimu tasisi zinazotengeneza demokrasia, taasisi hizo pamoja na vyama vya siasa. Kama wameamua kuwafukuza wanachama wao, mi andhani ni muhimu hili jambo lingeheshimiwa kwamba wamefukuza wananchama wao,” amese