Wednesday , 8 February 2023
Home Gazeti Habari za Siasa Maagizo ya JPM yamweka matatani Jafo, Rais Samia amtahadharisha
Habari za Siasa

Maagizo ya JPM yamweka matatani Jafo, Rais Samia amtahadharisha

Suleiman Jafo, Waziri wa Tamisemi
Spread the love

 

RAIS wa Tanzania, Samia Suluhu Hassan, amemtaka Waziri Ofisi ya Rais-TAMISEMI, Selemani Jafo kusema kama ameshindwa kudhibiti upotevu wa fedha kwenye wizara hiyo, ili apatiwe msaada. Anaripoti Mwandishi Wetu, Dodoma…(endelea).

Kauli hiyo ya Rais Samia imetolewa leo Jumapili tarehe 28 Machi 2021, Ikulu ya Chamwino jijini Dodoma, baada ya kiongozi huyo kukabidhiwa Ripoti ya Mdhibiti na Mkaguzi Mkuu wa Hesabu za Serikali (CAG), kwa mwaka wa fedha wa 2019/2020.

“… Hangaika mara ya mwisho ukishindwa tuambie tukusaidie, lakini hali hairidhishi TAMISEMI, TAMISEMI wanachukua fedha nyingi Serikali Kuu lakini hawarudishi, naomba usimamie hilo ili fedha zinazokusanywa zisipotee na zinazokwenda zitumike zinavyostahiki,” ameagiza Rais Samia.

Rais Samia ametoa kauli hiyo akisema kwamba, Hayati Rais John Magufuli, alimpa agizo hilo Jafo zaidi ya mara mbili, lakini ameshindwa kulifanyia kazi na kusababisha upotevu wa mapato kuendelea kukithiri kwenye iwzara yake.

https://youtu.be/VLus8LdlVVc

“Kuhusu TAMISEMI, waziri uko hapa kuna upotevu mkubwa wa fedha, TAMISEMI wanafanya kama sheria zinazotungwa Serikali Kuu haziwahusu , na hili mheshimiwa Rais marehemu Magufuli alishakwambia mara mbili tatu naomba ukasimamie mapato na matumizi Tamsiemi,” amesema Rais Samia.

Dk. Magufuli alifariki dunia tarehe 17 Machi 2021, katika Hospitali ya Mzena, Makumbusho mkoani Dar es salaam, alikokuwa anapatiw amatibabu ya mfumo wa umeme wa moyo.

Mwanasiasa huyo aliyefariki dunia akiwa madarakani, mwili wake ulizikwa Ijumaa tarehe 26 Machi 2021, kijijini kwao Chato mkoani Geita.

Dk. Magufuli alifariki dunia miezi minne, tangu alipoapishwa kumalizia uongozi wake katika Serikali ya Awamu ya Tano, tarehe 5 Novemba 2020.

Mwanasiasa huyo alianza kuongoza Serikali ya Awamu ya Tano tarehe 5 Novemba 2015, baada ya kushinda kiti cha urais wa Tanzania kupitia Chama Cha Mapinduzi (CCM), katika Uchaguzi Mkuu.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Bunge labaini madudu mfumo ukusanyaji mapato, h’shauri tatu kikaangoni

Spread the love  KAMATI ya Kudumu ya Bunge ya Hesabu za Serikali...

Habari za Siasa

Mkuu wa wilaya ya Rungwe azindua vyumba sita vya madarasa vya thamani ya 64 mil

Spread the love  MKUU wa Wilaya ya Rungwe, Jaffar Haniu amezindua vyumba...

Habari za Siasa

Mbunge afurahia mabilioni ya Samia kutua jimboni

Spread the love  MBUNGE wa Igunga, Nicholas Ngassa ameishukuru Serikali kwa utekelezaji...

Habari za Siasa

PIC yaishauri Serikali kuanzisha mfuko wa uwekezaji kusaidia mashirika ya umma

Spread the love  KAMATI ya Kudumu ya Bunge ya Uwekezaji wa Mitaji...

error: Content is protected !!