Saturday , 15 June 2024
Home Gazeti Habari za Siasa Juma Duni Haji aikosoa SMZ
Habari za Siasa

Juma Duni Haji aikosoa SMZ

Spread the love

CHAMA cha ACT-Wazalendo kimedai kuwa Serikali ya Mapinduzi Zanzibar (SMZ), ina tabia ya kutenga bajeti isiyokidhi mahitaji pia kukopa kwa masharti magumu na riba kubwa. Anaripoti Mwandishi Wetu … (endelea).

Akizungumza na wanahabari hivi karibuni visiwani Zanzibar, Naibu Kiongozi wa ACT-Wazalendo, Juma Duni Haji amesema Sh. 400 Bilioni zilizotengwa katika mwaka wa fedha wa 2019/20, hazikidhi mahitaji ya kiuchumi na ustawi wa jamii ya visiwa hivyo.

Duni ameeleza kuwa, Visiwa vya Zanzibar vina changamoto nyingi hususan katika sekta ya afya, elimu, miundombinu na maji.

“Nimeelezwa kwamba, bajeti hiyo itakuwa na nakisi ndogo ya 400 Bilioni, kwa kweli bajeti hii ni ndogo sana ukilinganisha na mahitaji ya kiuchumi na ustawi wa jamii ya Zanzibar,” amesema Duni.

Wakati huo huo, Duni amesema kitendo cha SMZ kukopa madeni yenye riba kubwa na masharti magumu, kimepelekea serikali hiyo kuwa na malimbikizo ya madeni ya ndani na nje ya nchi.

Amesema, hadi sasa Zanzibar inadaiwa Sh. 815.9 Bilioni, huku deni la nje likiwa ni Sh. 678.4 Bilioni na kwamba, SMZ imeshindwa kulipa kwa wakati malimbikizo ya viinua mgongo vya wastaafu.

Leave a comment

Leave a Reply

Your email address will not be published. Required fields are marked *

Related Articles

Habari za SiasaKimataifaTangulizi

DA, ANC waridhia kuunda serikali ya mseto Afrika Kusini

Spread the loveChama tawala nchini Afrika Kusini cha African National Congress, ANC,...

BiasharaHabari MchanganyikoHabari za Siasa

Mataifa Afrika Mashariki yawasilisha bajeti 2024/2025 inayolenga kukuza uchumi

Spread the loveMataifa manne ya Afrika Mashariki jana Alhamisi yamewasilisha bungeni bajeti...

Habari za SiasaTangulizi

Gesi asilia, petroli kodi juu

Spread the loveWaziri wa Fedha, Dk. Mwigulu Nchemba amependekeza kufanya marekebisho kwenye...

Habari za SiasaTangulizi

Bilioni 155.4 kugharamia kicheko cha wastaafu 2022-2030

Spread the loveWaziri wa Fedha, Dk. Mwigulu Nchemba amesema jumla ya Sh...

error: Content is protected !!