Sunday , 19 May 2024
Home Gazeti Habari za Siasa JPM ‘aitekenya’ Chadema
Habari za Siasa

JPM ‘aitekenya’ Chadema

Spread the love

USHAURI wa Rais John Magufuli, uliyomtaka Biswalo Maganga, Mkurugenzi wa Makosa ya Jinai (DPP), kuangalia namna ya kuzungumza na watuhumiwa wa uhujumu uchumi na kuwaacha huru, imejibiwa vikali na Chadema. Anaripoti Hamis Mguta…(endelea).

Chama hicho kimeeleza kushtushwa na kauli hiyo, huku kikidai ushauri huo unatokana baadhi ya watuhumiwa kushikiliwa kwa makosa.

Tarehe tarehe 22 Septemba 2019, Rais Magufuli alimshauri Maganga, kwa kuzingatia sheria, kuangalia uwezekano wa kushughulika na watuhumiwa hao kama wapo tayari kurejesha fedha, basi wafanye hivyo.

Leo tarehe 24 Septemba 2019 kupitia tamko lao, Chadema kimedai, ushauri huo unatokana na ‘kusutwa’ na dhamira kwamba, baadhi ya waliokamatwa, walionewa.

Tamko la Chadema lililotolewa na Tumaini Makene, Mkuu wa Idara ya Habari na Mawasiliano wa chama hicho limeeleza, watuhumiwa hao wanastahili uhuru.

“…si tu imethibitisha madai ya kuwepo uonevu katika kile kilichoitwa vita dhidi ya ufisadi, bali pia inadhihirisha kuwa watuhumiwa hao wanastahili haki, uhuru wao bila masharti na waombwe samahani, badala ya wao kuomba,” limeeleza tamko hilo.  

Tamko hilo limeeleza kwamba, mpaka sasa baadhi ya makosa ya watuhumiwa yameshindwa kuthibitishwa hivyo kusababisha kuendelea kuwa mahabusu kwa muda mrefu.

Chama hicho kimeeleza, kwa muda mrefu makundi mbalimbali yamekuwa yakilalama namna vita ya ufisadi kutowatendea haki baadhi ya watu.

“Hii inathibitisha kauli na madai ya watu na makundi mbalimbali katika jamii, ikiwemo Chadema yenyewe, ambayo mara kadhaa kupitia majukwaa mbalimbali, imetoa kauli kuwa vita iliyokuwa inaendeshwa na serikali, ililenga kuwaonea baadhi ya watu,” imedai sehemu ya taarifa hiyo.

Taarifa hiyo imeeleza wasiwasi kwamba, mpaka sasa baadhi ya watuhumiwa, hawajathibitishwa kuhusika na tuhuma hizo na kuhoji “watawezaje kukiri kuhusika kwenye tuhuma hizo?”

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!