DC Kasilda Mgeni ahamasisha chakula shuleni

MKUU wa Wilaya ya Same, mkoani Kilimanjaro, Kasilda Mgeni amewataka wazazi kupeleka chakula shuleni, ili watoto wasiwe watoro, hali ambayo itaongeza ufaulu. Anaripoti Mwandishi Wetu, Kilimanjaro … (endelea).

DC Mgeni ametoa maelekezo hayo wakati akiwa kwenye ziara katika Kata ya Ruvu, Tarafa ya Same ambapo ameweza kukagua mradi wa ujenzi wa bweni katika Shule ya Sekondari Moipo ambao umegharimu shilingi milion 126 na mradi wa kituo cha Afya cha Tarafa.

Pia DC Kasilda  amefanya mkutano wa hadhara katika kata hiyo ya Ruvu ambapo amewasisitiza wazazi kuhakikisha wanapeleka chakula cha mchana ili watoto waweze kupata chakula wakati wa kiwa shuleni lengo ni kuondoa utoro, ili kupata ufaulu mzuri kwa watoto.

Mkuu huyo wa wilaya amemwelekeza mhandisi kuhakikisha fedha za nyongeza kiasi cha shilingi milioni 30 za ujenzi wa bweni la Sekondari Moipo zinakamilisha ujenzi huo ifikapo Aprili 08, 2023.

Aidha, ameelekeza wananchi kuepuka desturi ziziso za kiafrika hususani za kujihusisha na mapenzi ya jinsia moja, ubakaji na ulawiti  na kuhakikisha wanakemea vitendo hivyo vinavyochochea maadili kuporomoka na kurudisha maendeleo nyuma.

DC Kaslida  amewataka wananchi kusimamia miradi yote inayotekelezwa na serikali ili kuweza kuilinda na waendelee kutoa taarifa pindi wanapoona viashiria vya rushwa ndani ya mradi

Kwa upande mwingine, Kaslida amewataka   wakulima na wafugaji kuendelea kuheshimiana kwa kutoingiza mifungo ndani ya mashamba na wakulima kutolima maeneo ya mifungo kwa kufanya hivyo migogoro ya wakulima na wafugaji itapotea kabisa.