Rais Samia apangua, ateua makatibu wakuu

RAIS Samia Suluhu Hassan leo tarehe 14 Disemba, 2022 ameteua makatibu wakuu wa wizara ya uwekezaji, biashara na viwanda pamoja na wizara ya mambo ya ndani ya nchi. Anaripoti Mwandishi Wetu … (endelea).

Kwa mujibu wa taarifa iliyotolewa na Kurugenzi ya Mawasiliano Ikulu jijini Washington nchini Marekani, uteuzi huo umeanza tarehe 9 Disemba, 2022.

Makatibu wakuu walioteuliwa ni pamoja na kuwa Katibu Mkuu wa wizara ya uwekezaji, viwanda na biashara Dk. Hashil Twaib Abdalah. Kabla ya uteuzi huo alikuwa Naibu Katibu Mkuu wa wizara hiyo.

Pia amemteua Kaspar Kaspar Mmuya kuwa Katibu Mkuu wizara ya mambo ya ndani ya nchi. Kabla ya uteuzi huo alikuwa Naibu Katibu Mkuu wa Ofisi ya Waziri Mkuu (Sera, Bunge na Uratibu).

Rais Samia yupo nchini Marekani kushiriki mkutano wa viongozi wa Afrika ambao unafanyika kwa muda wa siku tatu.