Bosi NMB ashinda tuzo ya Mkurugenzi Mtendaji Bora wa Kibenki Afrika 2022

Gabriel MushiMay 29, 20222 Mins read566 Views

Ofisa Mtendaji Mkuu wa Benki ya NMB, Ruth Zaipuna

Spread the love

AFISA Mtendaji Mkuu wa Benki ya NMB, Ruth Zaipuna ametangazwa kuwa mshindi wa kipengele cha Afisa Mtendaji Mkuu Bora Africa kwa Mwaka 2022 (Tanzania). Anaripoti Mwandishi Wetu…(endelea).

Ni katika kipengele cha Benki na Uongozi wakati wa hafla iliyofanyika Ijumaa ya tarehe 27 Mei 2022 Koteli Movenpick jijini Nairobi nchini Kenya.

Tuzo hiyo ilitolewa na Julias Alego Mkurugenzi Mtendaji Tasisi ya Mabenki nchini Kenya na kupokelewa na Mweka Hazina Mkuu wa Benki ya NMB, Aziz Chacha.

Chacha, akipokea tuzo hiyo kwa niaba ya Afisa Mtendaji Mkuu wa Benki ya NMB, Ruth Zaipuna alisema,”ni heshima kubwa sana kuwa nanyi usiku wa leo kupokea Tuzo ya “African Banking CEO of the Year 2022 (Tanzania)” kwa niaba ya Ruth Zaipuna, Mkurugenzi Mtendaji wa Benki ya NMB Plc.”

Mkurugenzi Mtendaji wa Taasisi ya Mabenki Kenya Julius Alengo akimkabidhi tuzo Mweka Hazina wa benki ya NMB Aziz Chacha ambaye alipokea tuzo ya Afisa Mtendaji Mkuu Bora Afrika kwa Mwaka 2022 (Tanzania) kwa niaba ya Ruth Zaipuna ambaye hakuwepo, katika afla iliyofanyika mwishoni mwa wiki jijini Nairobi.

Mara baada ya kupokea Tuzo hiyo kwa niaba ya Ruth wa NMB, Chacha alisema Ruth ameitoa tuzo hiyo kwa wafanyakazi wa NMB kwa kujitolea kwao na nia ya kuendelea kuwa mstari wa mbele wa vumbuzi, kuzingatia wateja, uthabiti, uaminifu, na usalama.

“Kwa maneno ya Ruth, natoa tuzo hii maalum kwa moja ya mtaji wetu mkubwa ambao ni wafanyakazi wa benki ya NMB ambao bila wao, pengine tusingekuwa hapa tulisherehekea,” amesema

Amebainisha benki yake kwa miaka mingi imekuwa na mchango mkubwa katika kusaidia shughuli mbalimbali za kiuchumi katika sekta nyingi ikiwemo utalii, elimu, kilimo, miradi ya kimkakati ya muda mrefu na afya.

“Ninatoa tuzo hii kwa wadau wa benki ya NMB ambao wamejitolea kikamilifu katika azma yetu ya kubaki kweli bila kulinganishwa – benki imekuwa mstari wa mbele kwenye suala zima la ubunifu kwa kuzingatia wateja, uthabiti, uaminifu, usalama na usalama,” amesema.

Machi 2022, Ruth alitajwa kuwa miongoni mwa wanawake 74 wenye ushawishi mkubwa barani Afrika katika sherehe za wanawake wanaofanya biashara kubwa barani Afrika na data zilizotumika kutengeneza orodha hiyo ilitolewa kutoka Bloomberg kulingana na taarifa iliyotolewa na Africa.com.

Orodha hiyo iliwakilisha wanawake wanaofanya biashara kubwa barani Afrika. Biashara zote zinazoendeshwa na wanawake zenye Mapato ya USD100 milioni au zaidi.

Viongozi wengine wanawake waliotajwaa ni pamoja Natascha Viljoen, Afisa Mkuu Mtendaji wa kampuni ya Anglo American Platinum; Nompumelelo Thembekile Madisa, Afisa Mkuu Mtendaji wa Bidvest Group na Leila Fourie, Mtendaji Mkuu wa Soko la Hisa la Johannesburg.

Viongozi wengine wanawake wa Afrika Mashariki kwenye orodha hiyo ni pamoja na Mitwa Ng’ambi, Afisa Mtendaji Mkuu wa MTN Rwanda Telecommunications, Kendi Ntwiga-Nderitu, Mwakilishi wa kampuni ya Microsoft nchi, Kenya na Brenda Mbathi, nktugugenzi wa kampuni ya General East Africa.