11 waliomuua Wayne Lotter wahukumumiwa kunyongwa

MAHAKAMA Kuu kanda ya Dar es Salaam leo tarehe 2 Disemba, 2022 imewahukumu adhabu ya kunyongwa hadi kufa watu 11 waliokutwa na hatia ya kumuua mwanaharakati wa ujangili, raia wa Afrika Kusini, Wayne Lotter. Anaripoti Mwandishi Wetu, Dar es Salaam … (endelea).

Jaji wa Mahakama Kuu Laila Mgonya ametoa hukumu hiyo baada ya kuridhika na ushahidi wa mashtaka uliothibitishwa pasina shaka na mashahidi 32.

Waliohukumiwa ni raia wawili wa Burundi Nduimana Ogiste na Habonimanda Nyandwi pamoja na Watanzania Godfrey Salamba, Rahma Almas,  Chambie Juma Ally, Allan Mafue, Ismail Mohammed, Leonard Makoi, Ayoub Kiholi, Abuu Mkingie, Muchael Kwavava.

Lotter alikuwa Mkurugenzi na Mwanzilishi-mwenza wa Shirika lisilo la kiserikali la PALMS Foundation lilokuwa likijihusisha na mapambano ya ujangili.

Aliuawa tarehe 16 Agosti, 2017 kwa kupigwa risasi na watu waliomvamia akiwa kwenye gari ndogo ya abiria ‘texi’ katika makutano ya barabara za Chole na Haile Selaissie, Masaki wilayani Kinondoni mkoani Dar es Salaam.