Sunday , 5 February 2023
Home Gazeti Habari Mchanganyiko Vyombo vya dola vyaombwa kuzipa kipaumbele kesi ukatili kijinsia
Habari Mchanganyiko

Vyombo vya dola vyaombwa kuzipa kipaumbele kesi ukatili kijinsia

Spread the love

 

MTANDAO wa Watetezi wa Haki za Binadamu Tanzania (THRDC), umeviomba vyombo vya dola kuzipa kipaumbele kesi za ukatili wa kijinsia, zinazoripotiwa na watetezi wa haki za binadamu. Anaripoti Mwandishi Wetu, Mwanza … (endelea).

Wito huo umetolewa leo Jumatano, tarehe 11 Agosti 2021, jijini Mwanza na Mratibu wa THRDC, Onesmo Olengurumwa, katika ziara yake ya kikazi kwenye Kanda ya Ziwa, iliyoanza tarehe 9 Agosti mwaka huu.

Mratibu huyo wa THRDC amesema, kesi hizo zikipewa kipaumbele, itasaidia kupunguza uvunjwaji wa haki za binadamu nchini.

“Tunatoa wito kwa vyombo vya dola, kuzipa kipaumbele kesi zaa ukatili wa kijinsia zinazoripotiwa na watetezi wa haki za binadamu. Hii itasaidia kupunguza kwa kiasi kikubwa kasi ya wimbi la uvunjwaji wa haki za binadamu,” amesema Olengurumwa.

Aidha, Olengurumwa amewaomba watetezi wa haki za binadamu, kushirikiana na Mashirika Yasiyo ya Kiserikali (NGO’s), kutokomeza ukatili huo.

“Natoa wito watetezi wa haki za bindamu kuungana na mashirika mengine yanayotetea haki za binadamu kuwa na sauti ya pamoja,” amesema Olengurumwa.

Olengurumwa ameongeza “kwa mfano mashirika yanayojihusisha na masuala ya ukatili wa kijinsia na utetezi wa haki za watoto, kuwa na sauti ya pamoja ili kuweza kufikisha agenda zao muhimu kupitia majukwaa ya kitaifa na kimataifa yanayohusu haki za binadamu.”

Akizungumzia ziara yake katika kanda hiyo, Olengurumwa amesema THRDC imetembelea wanachama wake 30 walioko kwenye mikoa ya Kanda ya Ziwa, kwa ajili ya kuangalia utekelezaji wake.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari Mchanganyiko

Rais Samia awalilia 17 waliofariki ajalini wakisafirisha maiti

Spread the love  RAIS Samia Suluhu Hassan, ametuma salamu za rambirambi kwa...

Habari Mchanganyiko

Wanawake wachimbaji wajenga zahanati kuokoa afya za wakazi 2000

Spread the love  ZAIDI wakazi 2,000 wa kijiji cha Nyamishiga Kata ya...

Habari Mchanganyiko

Baada ya Congo DR, Somalia mbioni kujiunga na EAC

Spread the love  TAIFA la Somalia liko mbioni kuwa mwanachama rasmi wa...

error: Content is protected !!