Saturday , 15 June 2024
Home Habari Mchanganyiko Panga la Ma-RPC laja
Habari Mchanganyiko

Panga la Ma-RPC laja

Spread the love

 

RAIS wa Tanzania, Samia Suluhu Hassan, amesema atawaondoa Makamanda wa Jeshi la Polisi wa Mikoa (RPC), watakaoshindwa kudhibiti vitendo vya uhalifu, hasa ujambazi wa kutumia silaha. Anaripoti Mwandishi Wetu, Dar es Salaam … (endelea).

Rais Samia ametoa kauli hiyo leo Jumanne tarehe 18 Mei 2021, akifungua Kiwanda cha Ushonaji cha Polisi, Kurasini mkoani Dar es Salaam.

Kiongozi huyo wa Tanzania amesema udhibiti wa uhalifu huo, utakuwa miongoni mwa vigezo vya kuteua au kutengua uteuzi wa Ma-RPC, atakaoufanya hivi karibuni.

“Jeshi la Polisi mjipange vizuri kukabiliana na hawa wanaotaka kuwajaribu na hii sio hapa  Dar Es Salaam,  bali nchi nzima.

https://www.youtube.com/watch?v=048gTByfeQ0

Na hapa niwe mkweli kwamba, miongoni mwa vigezo nitakavyotumia kuteua au kutengua makamanda wa mikoa ni udhibiti wa vitendo vya ujambazi ikiwemo kutumia silaha,” amesema Rais Samia.

Rais Samia amesema “hii nayo itakuwa moja kati ya vigezo, najua IGP (Simon Sirro) umeniletea majina kadhaa kwa ajili ya kamisheni mbili,  ya fedha na lojistiki na ile kamisheni nyingine.  Lakini hiki kitakuwa kimoja kati ya vigezo nitakavyotumia.”

Aidha, Rais Samia amemuagiza Inspekta Jenerali wa Polisi (IGP), Simon Sirro, aweke mikakati ya kudhibiti vitendo vya ujambazi.

IGP Simon Sirro

“Changamoto za kiusalama bado zipo nielekeze wanaojaribu kina cha maji kwa kutaka kurejesha vitendo vya ujambazi hapa nchini,  waache. Nampongeza IGP  tarehe 8 Mei alikutana na Maafisa wa Polisi kuweka mikakati kukabiliana nao,” amesema Rais Samia na kuongeza:

“Ni matumaini yangu tutaona matunda ingawa bado tunasikia vijitaarifa taraifa hawa watu wanaendelea kubonyeza, naomba muwe wagumu wanapobonyeza pasibonyee, mliweza kule nyuma hamna sababu ya kushindwa sasa hivi.”

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Mataifa Afrika Mashariki yawasilisha bajeti 2024/2025 inayolenga kukuza uchumi

Spread the loveMataifa manne ya Afrika Mashariki jana Alhamisi yamewasilisha bungeni bajeti...

Habari MchanganyikoHabari za SiasaTangulizi

Samia apandisha kikokotoo kutoka asilimia 33-40

Spread the loveHATIMAYE Serikali imesikia kilio cha wastaafu wa utumishi wa umma...

Habari MchanganyikoHabari za SiasaTangulizi

Polisi wamtia mbaroni RC wa zamani aliyedaiwa kulawiti

Spread the loveJeshi la Polisi mkoani Mwanza linamshikilia aliyekuwa Mkuu wa Mkoa...

Habari MchanganyikoHabari za Siasa

Wafungwa, mahabusu ruksa kupiga kura

Spread the loveTUME Huru ya Taifa ya Uchaguzi (INEC) imesema kuwa wafungwa,...

error: Content is protected !!