Tuesday , 18 June 2024
Home Habari Mchanganyiko Asasi za Kiraia hatarini kutakatisha fedha
Habari Mchanganyiko

Asasi za Kiraia hatarini kutakatisha fedha

Spread the love

IMEELEZWA kuwa Asasi za kiraia nchini zipo katika hatari ya kutumika kama sehemu ya kupitishia fedha chafu na watu wasiokuwa na nia njema. Anaripoti Dany Tibason, Dodoma … (endelea).

Hayo yalielezwa jana na Kaimu msajili wa mashirika yasiyo kuwa ya kiserikali nchini Baraka Leonard, wakati alipokua akijibu baadhi ya maswali ya washiriki wa maonyesho ya wiki ya Azaki yanayofanyika jijini Dodoma.

Alisema sekta hiyo ipo katika hatari kubwa ya kutumika kama sehemu ya utakatishaji wa fedha haramu ambazo zimekuwa zikipatika katika njia zisizo sahihi.

Alisema kuwa fedha nyingi chafu zimekuwa zikingizwa nchini katika mfumo halali wa mzunguko wa uchumi pasipo kujulikana namna ambavyo zimepatikana.

“Ni wajibu wetu kuhakikisha kuwa kila fedha inayoingia nchini katika Asasi zetu imekuja kutoka wapi na imeingizwa kwa misingi ipi,” alisema Leonard.

Aidha alisema kuwa kitendo cha fedha chafu kuingizwa nchini kupitia Asasi za kiraia kina madhara makubwa katika mfumo wa uchumi wa taifa.

“Tutawaletea wataalamu wa mambo haya ili waweze kuwafundisha namna ya kujikinga na kutumika kupitishiwa fedha chafu na namna ambavyo fedha hizo zilivyo na madhara katika uchumi wetu,” alisema.

Naye Katibu Mkuu Wizara ya Afya Maendeleo ya Jamii jinsia Wazee na Watoto, Dk. John Jingu alisema ili kuondokana na hali hiyo Asasi za kiraia zinatakiwa kufanya kazi kwa uwazi na uwajibikaji.

Alisema kama Asasi zitafanya kazi zake kwa uwazi serikali haitakuwa na mashaka katika utendaji wao wa kila siku tofauti na ilivyo sasa katika baadhi ya maeneo.

“Tuishi kwa kufuata misingi ya sheria na utawalawa wa sheria kwa kufanya kazi kwa uwazi na uwajibikaji,” alisema Dk. Jingu.

Alisema hivi sasa kuna baadhi ya watu wanaweza kuiba fedha sehemu na kuzipeleka katika NGOs ili kuweza kuzitakatisha hivyo ni lazima Azaki kufanya kazi kwa uwazi.

“Unaweza kukuta mtu kapiga fedha sehemu au serikalini lakini kuzipeleka BOT anaogopa kuhojiwa hivyo anaona njia sahihi ya kufanya ni kufungua NGO haraka ili kuweza kuzipeleka fedha hizo na kuzitakatisha,” alisema.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

CoRI: Waandishi wa habari 16,000 hawana mikataba ya ajira Tz

Spread the loveMKUU wa Mkoa wa Dar es Salaam, Albert Chamalila amemthibishia...

Habari MchanganyikoHabari za SiasaTangulizi

RC Chalamila: Nimeacha ubabe

Spread the loveMKUU wa Mkoa wa Dar es Salaam, Albert Chamalila amemthibishia...

Habari MchanganyikoHabari za Siasa

Rais Samia atoa ujumbe mzito Sikukuu Eid Al Adha

Spread the loveKATIKA kusherehekea Sikukuu ya Eid Al Adha, Rais wa Tanzania,...

BiasharaHabari Mchanganyiko

Wachimba chokaa 300 waomba mikopo kuondokana na matumizi ya kuni

Spread the loveKUNDI la vijana wanaojishughulisha na uchimbaji wa chokaa katika kijiji...

error: Content is protected !!