DIT inavyojipanga kukabili soko la ajira

TAASISI ya Teknolojia Dar es Salaam (DIT) inakusudia kuboresha mitaala ya shahada mbili za umahiri (masters) ili kuendana na ushindani wa soko la ajira ndani na nje. Anaripoti Mwandishi Wetu, Dar es Salaam … (endelea).

Pia, lengo la maboresho hayo ni kuwawezesha wahitimu kuwa na uwezo mkubwa ikiwemo kujiajiri.

Jana Jumanne tarehe 11 Agosti 2020, DIT ilikutana na wadau mbalimbali ili kujadiliana jinsi ya kuboresha mitaala hiyo.

Shahada zinazoboreshwa ni Master of Computational Science and Engineering-MCSE na Master of Maintenance in Engineering and Management-MENG).

Mkuu wa Idara ya Masomo ya Umahiri, Utafiti na Machapisho wa DIT, Profesa Leonia Henry, anasema kuwa wataangalia eneo la ufundishaji, vifaa vinavyotumika kufundishia na maendeleo ya kidijitali.

“Mchakato huu ukikamilika, mitaala iliyoboreshwa itaanza kutumika katika mwaka mpya wa masomo unaonza Novemba 2020,” alisema Profesa Leonia.