Sunday , 5 February 2023
Home Gazeti Habari Mchanganyiko Zuio NGOs kuishtaki Serikali Afrika: Samia aonesha matumaini
Habari MchanganyikoTangulizi

Zuio NGOs kuishtaki Serikali Afrika: Samia aonesha matumaini

Spread the love

 

RAIS Samia Suluhu Hassan, amesema atalifanyia kazi ombi la kuitaka Tanzania ibadili msimamo wake, wa kujitoa kwenye azimio linaloruhusu Mashirika Yasiyo ya Kiserikali (NGOs) na watu binafsi , kuishtaki Serikali kwenye Mahakama ya Haki za Binadamu na Watu Afrika. Anaripoti Regina Mkonde, Dar es Salaam…(endelea).

Rais Samia ametoa kauli hiyo leo Alhamisi tarehe 27 Mei 2021, akizungumza na Rais wa Mahakama ya Afrika ya Haki za Binadamu na Watu, anayemaliza muda wake, Sylvain Ore, Ikulu jijini Dar es Salaam.

Mwishoni mwa 2019, chini ya Serikali ya Awamu ya Tano, Tanzania iliamua kuitoa itifaki inayowaruhusu wananchi na NGOs kuishtaki Serikali katika mahakama hiyo, kwa maelezo kwamba inapingana na sheria za nchi hiyo.

Kwa mujibu wa taarifa iliyotolewa na Mkurugenzi wa Mawasiliano ya Rais-Ikulu, Gerson Msigwa, Rais Samia amesema, wakati Serikali yake inaliangalia suala hilo, zuio hilo litaendelea kutekelezwa kama kawaida.

“Kuhusu Tanzania kufuta tamko la kuruhusu taasisi zisizo za kiserikali na watu binafsi, kupeleka mashauri yao moja kwa moja katika mahakama hiyo. Rais Samia amesema Tanzania italiangalia jambo hilo, lakini kwa sasa msimamo haujabadilika,” imesema taarifa ya Msigwa.

Kwa upande wake Ore, amesema mahakama hiyo itaendeleza ushirikiano na Serikali ya Rais Samia.

“ Ore amemshukuru Rais Samia kwa ushirikiano ambao mahakama hiyo imeupata, kwa kipindi chote cha uongozi wake na amemhakikishia kuwa Tanzania ni sehemu sahihi ya mahakama hiyo,” imesema taarifa ya Msigwa.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

Haya hapa majina 12 ya familia moja waliofariki kwenye ajali Tanga

Spread the love  MAJINA 12 kati ya 17 ya waliofariki dunia katika...

Habari Mchanganyiko

Rais Samia awalilia 17 waliofariki ajalini wakisafirisha maiti

Spread the love  RAIS Samia Suluhu Hassan, ametuma salamu za rambirambi kwa...

Habari Mchanganyiko

Wanawake wachimbaji wajenga zahanati kuokoa afya za wakazi 2000

Spread the love  ZAIDI wakazi 2,000 wa kijiji cha Nyamishiga Kata ya...

Habari Mchanganyiko

Baada ya Congo DR, Somalia mbioni kujiunga na EAC

Spread the love  TAIFA la Somalia liko mbioni kuwa mwanachama rasmi wa...

error: Content is protected !!