MAHAKAMA ya Rufaa ya Tanzania, Kanda ya Iringa, kesho Jumatano, tarehe 23 Machi 2022, inatarajia kusikiliza rufaa ya Mkurugenzi wa Mashtaka nchini (DPP) kupinga uamuzi wa Mahakama ya Hakimu Mkazi Iringa, wa kumuacha huru aliyekuwa Mwenyekiti Mtandao wa Wananfunzi Tanzania (TSNP), Abdul Nondo. Anaripoti Mwandishi Wetu, Iringa…(endelea).
Taarifa hiyo imetolewa leo Jumanne, tarehe 22 Machi 2022 na Mtandao wa Watetezi wa Haki za Binadamu Tanzania (THRDC), ambao umetoa wakili wa kumuwakilisha Nondo katika rufaa hiyo.
“Kesho kesi ya Abdul Nondo itasikilizwa katika Mahakama ya Rufani ya Tanzania, masijala ya Iringa, mbele ya Waheshimiwa majaji wa rufani, Lila, Kitusi, na Mwampashi saa 3:00 asubuhi. DPP alikata rufaa baada ya kutoridhishwa na uamuzi wa mahakama uliompa ushindi Nondo,” imesema taarifa ya THRDC.
Rufaa hiyo namna 30/2020, ilifunguliwa na DPP ikiwa ni takribani mwaka mmoja, tangu Nondo ambaye kwa sasa ni Mwenyekiti wa Ngome ya Vijana ya ACT-Wazalendo, kuachwa huru baada ya upande wa mashtaka kushindwa kuthibitisha mashtaka dhidi yake.
Nondo alikuwa anakabiliwa na mashtaka mawili, ya kuchapisha taarifa za uongo kwa alitekwa nyara maeneo ya Ubungo, 2018 na kuzisambaza mtandaoni.
Huku shtaka lingie likiwa ni kutoa taarifa za uongo kwa Askari Polisi wa Kituo cha Polisi Mafinga, wilayani Mufindi, Koplo Salim, kuwa alitekwa na watu wasiojuliakana na kupelekwa kiwanda cha Pareto Mafinga, mkoani Iringa.
Katika rufaa hiyo, Nondo atawakilishwa na Mawakili wa THRDC, ambao ni Jebra Kambole, Chance Luoga na Paul Kisabo.
1 Comment
Leave a Reply
Related Articles
NBC yazindua huduma maalum kwa wastaafu
Spread the loveBenki ya Taifa ya Biashara (NBC) imezindua huduma maalum kwa...
NMB yazindua akaunti ya Kikundi
Spread the loveBenki ya NMB imezindua akaunti ya kikundi yenye maboresho makubwa...
Sabaya afutiwa kesi, ruksa kugombea uongozi
Spread the loveMwendesha Mashtaka Mkuu wa Serikali DPP leo Ijumaa amefuta rufaa...
Wafanyakazi waidai STAMICO mishahara ya bilioni 1
Spread the loveWALIOKUWA wafanyakazi wa mgodi wa Shirika la Madini la Taifa...
Mwandishi,
Hii haieleweki. Baada ya mahakama ya wilaya si unafungua kesi mahakama ya mkoa au kanda. Mahakama kuu ya rufaa, baadaye.
Sasa, fanya kazi ya kumuulizaza DDP kwa nini kaifungua Mahakama Kuu ya Rufaa?
Naomba ubobee sheria.