Kamati ya Ligi yaufuta mchezo wa Yanga na Simba

KAMATI ya Uendeshaji na Usimamizi wa Ligi imeuahairisha mchezo wa Yanga dhidi ya Simba uliokuwa uchezwe leo saa 1:15 usiku kwenye Uwanja wa Benjamin Mkapa kutokana na sintofahamu iliyotokea jana. Anaripoti Mwandishi Wetu, Dar es Salaam … (endelea).

Kamati hiyo imeahairisha mchezo wa huo ili kutoa nafasi ya kupata taarifa zaidi zitakazosaidia kutenda haki mara baada ya Simba kugomea mchezo.

Katika taarifa yao Bodi ya Ligi imeeleza kuwa, mapema kabisa ilipokea barua kutoka kwa klabu ya Simba kuhusu kuzuiliwa kufanya mazoezi ya mwisho kwenye Uwanja wa Benjamin Mkapa kinyume na kanuni.

Baada ya kupokea barua hiyo, bodi ya Ligi iliwaagiza maafisa wake wote wanahusika kwenye mchezo huo, ambao walishuhudia tukio hilo kutuma ripoti ili hatua stahili ziweze kuchukuliwa.

Maamuzi hayo ya bodi ya ligi kuahirisha mchezo huo, yamefanyika kupitia kikao chake cha dharura kilichokaa leo tarehe 8 Machi 2025.

About The Author

Erasto Masalu

See author's posts