MAMLAKA ya Udhibiti wa Huduma za Nishati na Maji (EWURA) imetangaza bei kikomo za bidhaa za mafuta ya petroli hapa nchini kwa mwezi Aprili, zitakazotumika kuanzia Jumatano, tarehe 02 Aprili 2025 saa 6:01 usiku ambapo kwa Petroli yatauzwa kwa Sh. 3037 kwa lita jijini Dar es Salaam na Sh. 3274 kwa Kyerwa. Anaripoti Mwandishi Wetu, Dodoma … (endelea).
Tangazo la bei hizo mpya limetaja na bei ya mafuta ya dizeli jijini Dar es Salaam yatauzwa kwa Sh. 2936 na kwa mji wa Kyerwa mafuta ya dizeli yamefikia Sh. 3178.
Tangazo hilo linasema kuwa kwa mwezi huu, gharama za uagizaji mafuta (premiums) zimepungua kwa wastani wa asilimia 6.08 kwa mafuta ya petroli, asilimia 7.09 kwa mafuta dizeli na kuongezeka kwa asilimia 1.11 kwa mafuta ya taa katika Bandari ya Dar es Salaam, huku bandari ya Tanga kukiwa hakuna mabadiliko na kwa bandari ya Mtwara zimepungua kwa wastani wa asilimia 4.00 kwa mafuta ya petroli na dizeli.
Katika bei kikomo kwa mwezi Aprili 2025, bei za mafuta katika soko la dunia zimepungua kwa asilimia 6.92 ya kwa mafuta ya petroli, asilimia 6.57 kwa mafuta ya dizeli na asilimia 7.82 kwa mafuta ya taa mtawalia. Bei zinazozingatiwa za mafuta yaliyosafishwa (FOB) ni za soko la Uarabuni.
Kwa bei za mwezi Aprili 2025, wastani wa gharama za kubadilisha fedha za kigeni (Applicable Exchange Rate) umeongezeka kwa asilimia 1.91.
EWURA inapenda kuwakumbusha wafanyabiashara wa bidhaa za mafuta kwa jumla na rejareja kuuza mafuta kwa bei zilizoidhinishwa tu. Hatua kali za kisheria zitachukuliwa dhidi ya mfanyabiashara yeyote atakayekiuka AGIZO hili.
About The Author
ZINAZOFANANA
Mahakama Kisutu yaombwa kutoa spika nje kwenye kesi ya Lissu
Heche akamatwa na Polisi Kariakoo
Shamba la Pinda labadili mtazamo wa wanafunzi Aniny Nndumi