November 30, 2025

Mwanahalisi Online

Habari za Uhakika

MO Dewji aibua shangwe mkutano mkuu Simba

 

WAKATI wa usomaji wa bajeti ya klabu ya Simba kwa msimu wa 2025/26 liliibuka shangwe kutoka kwa wanachama walihudhuria mkutano huo kufuatia kutajwa kwa jina la Mohammed Dewji (Mo Dewji) kuchangia kiasi cha Sh. 6.2 katika bajeti ya msimu huu 2025/26. Anaripoti Mwandishi Wetu, Dar es Salaam … (endelea).

Katika ajenda ya mapato na matumizi iliyowasilishwa na mhasibu wa klabu hiyo, Seleman Kuhumbu, Simba imepanga kukusanya kiasi cha Sh. 29.5 bilioni kwa msimu huu 2025/26.

Shangwe hilo liliibuka mara baada ya kuwekwa wazi kuwa Mo Dewji ameshatoa kiasi hicho cha Sh. 6.2 bilioni na ziliwekwa kwenye akaunti ya klabu hiyo na matumizi ya fedha hizo yalishaanza.

Kwa mujibu wa Kahumbu amesema kuwa kiasi hicho cha fedha alichotoa Mo Dewji kimetumika kwenye dirisha kubwa la usajili kwa kufanya maingizo mapya ya wachezaji ndani ya kikosi hicho ambacho majira ya saa 1 usiku kitashuka dimbani dhidi ya Stade Malien nchini Mali.

Mara baada ya wasilisho hilo baadhi ya wanachama walisimama na kuanza kupaza sauti kwa kushangilia huku wakilitaja jina la Bilionea huyo.

About The Author

error: Content is protected !!