Bilioni 29.5 bajeti ya klabu ya Simba msimu 2025/26

KLABU ya Simba imepanga kutumia kiasi cha Sh. 29.5 bilioni kwa ajili ya matumizi kwenye msimu wa mashindano 2025/26. Anaripoti Kelvin Mwaipungu, Dar es Salaam … (endelea).

Bajeti hiyo ni ongezeko la asilimia 13.5 kutoka kwenye bajeti ya msimu uliopita 2024/25, ambapo walipanga kutumia kiasi cha Sh. 28.4 bilioni.

Makadilio hayo ya bajeti yametangazwa kwenye mkutano mkuu wa wanachama wa klabu hiyo unaoendelea muda huu kwenye ukumbi wa Diamond Jubilee jijini Dar es Salaam.

Katika bajeti hiyo klabu ya Simba imepanga kutumia kiasi cha Sh. 6.3 bilioni kwa ajili ya usajili kwa msimu huu ambao tayari umekwisha kuanza.

Aidha klabu hiyo pia imetenga kiasi cha Sh. 7.6 kama mishahara na bonasi kwa wachezaji kwenye mashindano yote ambayo klabu hiyo inashiriki kwenye msimu huu.

Kwa upande wa mwekezaji Mohammed Dewji kwenye bajeti hiyo, ameshakwisha toa kiasi cha shilingi 6 bilioni ambazo tayari zimeshaanza kutumika kwenye usajili wa msimu huu.

Wakati hayo yanaendelea majira ya saa 1 usiku kikosi cha Simba kitashuka Uwanjani kwenye mchezo wa hatua ya makundi Ligi ya mabingwa Afrika dhidi ya Stade Malien ya nchini Mali.

About The Author

Erasto Masalu

See author's posts