Sunday , 29 January 2023
Home Gazeti Habari za Siasa Zitto: Mimi sio msaliti
Habari za Siasa

Zitto: Mimi sio msaliti

Zitto Kabwe, Kiongozi wa ACT-Wazalendo
Spread the love

 

KIONGOZI wa Chama cha ACT-Wazalendo, Zitto Kabwe, amekanusha tuhuma za kwamba yeye ni msaliti wa kisiasa, akisema angekuwa msaliti asingechaguliwa kuwa mbunge zaidi ya mara tatu pamoja na kupewa dhamana ya kukiongoza chama chake. Anaripoti Mwandishi Wetu, Dar es Salaam…(endelea).

Zitto amekanusha madai hayo katika mahojiano yake na Kituo cha Runinga cha ITV, kupitia kipindi cha Dakika 45, kilichorushwa jana Jumatatu, baada ya kuulizwa ana kauli gani kuhusu tuhuma za usaliti zilizoibuliwa dhidi yake.

“Kuna watu wana mitizamo pia, huwezi kuzuia. Mimi sio msaliti, mimi ni mwanasiasa naaminika kisisasa ndiyo maana nimechaguliwa na wananchi wa Kigoma zaidi ya mara tatu tena majimbo tofauti, ndiyo maana nimechaguliwa na wenzangu kufanya siasa ishara moja kubwa ya kuaminika. Huwezi kuwa mwanasiasa kila mtu akiwa anakupenda, utakuwa mwanasiasa gani wewe?” alisema Zitto.

Zitto alisema “wapo watu ambao wananiona kwa jicho hilo tofauti, Zitto ni kiongozi wa kisiasa ambaye anaamini katika msimamo fulani ya kisiasa. Muda wote nimekuwa mstari wa mbele na mnaona namna ambavyo tunajenga chama katikati kabisa ya kukata tamaa lakini huioni ACT-Wazalendo ikikata tamaa , inajipangusa inasonga mbele.”

Mwanasiasa huyo alisema kuwa, hata chama chake kinaaminika ndio maana ACT-Wazalendo inaendelea kukua kwa kasi kutokana na kutetea maslahi ya wananchi hasa wakulima, wafugaji na wafanyabiashara.

Tuhuma za usaliti dhidi ya Zitto ziliibuliwa na baadhi ya wanachama wa vyama vingine vya upinzani, kufuatia hatua ya chama chake kushiriki katika masuala ambayo vyama vingine vimesusia kushiriki, ikiwemo kushiriki chaguzi za marudio, kushiriki mchakato wa ukusanyaji maoni ya kuboresha mfumo wa demokrasia ya vyama vingi uliofanywa na Kikosi Kazi cha Rais Samia Suluhu Hassan.

1 Comment

  • Asante ndugu zitto kweli kabisa wewe sio msaliti isipokuwa umezidi kuwa na tamaa ya madaraka kumbuka ulifukuzwa chadema kwa tamaa ya madaraka

Leave a Reply

Your email address will not be published. Required fields are marked *

Related Articles

Habari za Siasa

NCCR-mageuzi yawaangukia Polisi kupotea kwa kada wake

Spread the loveJESHI la Polisi nchini limeombwa kufanya uchunguzi wa kina utakaosaidia...

Habari za Siasa

Uamuzi kesi ya kupinga Bodi ya Wadhamini NCCR-Mageuzi kutolewa Februari 6

Spread the love  MAHAKAMA Kuu, Masjala Kuu ya Dar es Salaam, imepanga...

Habari za SiasaTangulizi

Lissu:Suluhu ya ugumu wa maisha ni Katiba Mpya

Spread the love  MAKAMU mwenyekiti wa Chama cha Demokrasia na Maendeleo-Chadema Bara,...

Habari za Siasa

Lissu: Miaka 30 ya vyama vingi haikupambwa kwa marumaru

Spread the love  MAKAMU Mwenyekiti wa Chama cha Demokrasia na Maendeleo-Chadema, Tundu...

error: Content is protected !!